Dies ist aus dem franzoeschen gedicht vom leben und sterben Mariae. (das erste blat felet)
Sy me leissez a vous parler Seigneur ce deuent escouter Les bonez genz et aus seoir Mas ly deables ha tel pouoir Quancois irez au Iugleour Ques paroles nostre seignour Se vous voules que ie vous die De dieu et de sainte marie Or faitez paix sy mescoutez Se vous dyrei si vous voulez Sy com ly roys ihesus naisopui Et sa douce meire autresy Sy com sainte anne fut pourtee Qui ainz ne ne fut de meire nee Fors par le terdre don coutel En la cuisse saint fanoel Il la pourta sy longuement Com dame dieu vint a talant Sainz abrahanz et.1. vergier Que diex amoit et tenoit chier pag. 2. Encour dit lon lort abraham En la terre de Iherusalem An ce vergier havoit une ante Qui mout estoit et belle et gente Dessus ceille ante et vne flor Mas ne sey dire la color Il nest clerz tant soit bien letrez Ne descriture endotrinez Qui la coleur ensehust dire Ne la ualour peust descrire