Do sprach der bernaere. Solt ich kain wil dar inne ligen. Der tot der muest mir angesigen. Das ist mir harte swaere. Ia herre got durch dinen tot. Nu hilf du mir von hinnan. So das ich kom von dirre not. Vnd mug min ors gewinnen. Wis es min maister hiltebrant. Er hulf mir von noeten. Mit siner ellenhaften hant. XI. Hern dietherich sere das uerdros. Von dan huob sich der rise gros. Den rehten wek gen berne. Vnd ovwe so sprach der wigant. Wider ritte mir maister hiltebrant. Den saeh ich harte gerne. En hat mir laides vil getan. Er vnd der bernaere. Es muos im an das leben gan. Ich gereche mine swaere. Erst schuldig an dem neuen min. Wird er mir in dem walde. Es muost sin ende sin. XII. Was er das wort da wolle sprach. Durch den walt er da gesach. Von maister hiltebranten. Der rait ain harte schoͤne mark. Baide michel vnde stark. Er fuort in sinen handen. Ain gern langen und dar zuo guot.
col. 3.