"Wan aines huotes von huͥten. Der tacht in vf den nag. XV. Er was mit listen wol geworht. Den truok der rise onerforht. Das font ir mir gelovben. Do erbaiste maister hiltebrant. Ain oserwelter wigant. Er wolt iens lebens rovben. Sinen voln er sere bant. Ze aines bomes aste. Das swert ergraif er mit der hant. Vnd huob es harte faste. Er sprach helt du solt mir sagen. Durch dine tugend ob du mir. Den herren hast erslagen. XVI. Do sprach der rise sigenot. Her dietherich muos beliben tot. In dem holen staine. Er hat mir laides vil getan. Das muos im an das leben gan. Als ich im erschaine. Das ich sin hie gehuetet han. Das han ich wol bewendet. Wan ivnser herre hat den man. Ze handen mir gesendet. Vnd waerist du maister hiltebrant. Der schuof mir mine swaere. Sin leben wod zertrant. XVII. Do sprach der ritter vauerzait.
pag. cod. 131.