Vnd vngefuegi sorgen phlak. Von mengem starken wrme. Der smak tet do laid vnd ser. In dem holen staine. Dem vil edeln fuͥrsten her. Er was so gar vnraine. Das er kam in so grosse not. Das er des waͤnen wolte. Er muosse ligen tot. XXVII. Do sprach sich maister hiltebrant. Bist du von bern ain wigant. Ich frage dich gern der maͤre. Von wannan du waerst her bekomen. Das het ich gerne uernomen. Nu sag mir helt gewaere. War hast du dine sinne getan. Das du ritest ainge von berne . Nu hast doch mengen frumen man. Der mit dir ritte gerne. Du hast burklehen enpfangen hie. Dir ist geschehen als mengem. Der guot ler vͥber gie. XXVIII Du wilt mir laider volgen niht. Des schaid ich mich wie mir geschiht. Von dir vnd lan dich aine. Da sprach der herre dietherich. Von bern ain fuͥrste lobelich. Vsser dem holen staine. Mir ist ain wenig missegan. "Das solt du niht enzuernen.
col. 3.