"Er ergraif in bi dem barte. Er was gehaissen eggerich. Das getwerk gar lobelich. Das ersrak alto harte. Herre wie hant irs gedaht. Ir hant gerovffet mich gar sere. Wer hat mich zuo im braht. Verhelnt michs nit mere. Das ir mich so gerovffet hat. Do sprach der kuene. Din leben an mir stat. XXXIV. Wilt aber du behalten din leben. So mustu du mir die lere geben. Wie ich nu den bernaere. Der hie bi gewangen lit. Do sprach egger an dirre zit. Ich gib dir guote lere. Nie sag mir wie ist er genant. Das wis ich harte gerne. Do sprach sich maister hilthebrant. Es ist der vogt von berne . Ovwe so sprach das klain getwerk. Wen kam min her von berne . Her in den holen berk. XXXV. Ald wen wart er gewangen hie. Das mich das nieman wissen lie. Das nimt mich michel wunder. Ni sag an maere wigant. Hat er sin staehelin gewant. "Ist er noch wol gesunder.
zum Hauptmenü