"So mag sin werden vil guot rat. Do sprach aber der alte. Ain ris in hie gewangen hat. Mit michelm gewalte. Er warf in in den holen stain. Da nie seit gottes gebuͥrte. Kain lieht mer in geschain. XXXVI. Ich wil dir ovch min not klagen. Er hat mich nach ze tot erslagen. Doch han ich im uergolten. Swas er im ie hat gegert. Des han ich in gewert. Ich bin sin vnbescholten. Ich waen ich hab in gar zerkloben. Vil reht da zem herzen. Ich wil sin ivnsern herren loben. Es muos in iemer smerzen. Ich han sin leben im benomen. Rat herzog egrich schiere. Wie wir von hinnan koment. XXXVII. Do sprach das wenige getwerk. Gang samir fuͥrbas in den berk. Da lit ain laiter swaere. Die des herren grinen was. Fuͥr war so solt ir wissen das. Ich tuon dich sorgen laere. Div gat nider in den holen berk. Vnd ist von leder veste. Si worchtont listiguͥ getwerk. "Darumbe man si geste.
zum Hauptmenü