col. 3.
Ain bon er us dem herde brach. Mit slegen manig valten. Reht sam ain wilder dunr slak. Sluok er mir fuͥr die oren. Ich waend es waer min iuͥngster tak. g Sus wart ich zainem toren. Duͥ barwat mir vil gar zerbras. Ich wand es waer min ende. Sus fiel er vf das gras. XLIII. Bi minem bart er mich gevie. Bald er do von dannan gie. Gen ainem holen staine. Also sprach maister hiltebrant. In minem barte lag sin hant. Do wart min vroede klaine. Won ich da alles des uergas. Das mir ie wart ze liebe. Den bart er mir da us gelas. Sa reht als ainem diebe. Er het mich senfter wol getragen. Hie lant die red beliben. Ich han in drum erslagen. XLIV. Hie mit schiedent si von dan. Her dietherich vnd der wise man. Hin gen der stadt ze berne. Da wrdent enpfangen. Mit vroeden als man herren sol. Enphahen vnd sehen gerne. Sus clegton suͥ ir vngemach.