"Das heilig rich Stund manig ior ellende On hilfflich wende Bis vns ein houbt gegeben wart ⌜ Von hoher art Es lag vis hart Waz lang verspart Es lag vns hart Wir warn verfluͦcht Unz eins kuͥnigs gewalt Mit crafft vns wider ruͤcht Der vns mit kuͥr Wolt tragen fuͥr Mit siben fuͥrsten Die wol tuͥrsten Himmel vnd erd Dorchluͥchten schon In vollem werd Ir herschafft ist gros michel vnd her. Der fuͥrsten glich Ir krafft man nirgent fuͦnde Als man vns kuͦnde Vnd in wart ein wider teil Ee vns daz heil On alles meil Wart gentzlich veil Vnd doch glich masz Der dryer fuͥrsten crafft Is gantz on allen hasz
zum Hauptmenü