An vber vluz gesondet han Vnd aschē vf ir houbet entkan An deme selben asche tage So gienc d̓ quent mit clage In rvͥwe vor den abt hin Vnd bichten wid̓ in Ob si icht waren misse reten Als si daz getan heten So entfiengen si in gotes namen Vnsers herren lichamen Ze huͦte vnd ze schirme Vor allem vngehirme Da bi was ieglicher bewart Daz er an sine hine vart Eicheln vnd obs vrucht Der in bevt der genvcht Die wiltnvsse..... gewach .............. ........... ...... einein uz gelait Dar zvͦ si die gewonheit traib| e Ze hvse ir ain tail bleib Vnd der selben waz nit vil Die beiten in des costerz zil Durch huͦte beliben si da niht Wan des diebes zvͦ pflicht Si beliben durch der tugende Daz iht daz closter were vrum̄ Von gottes dienste lere Die anderen giengen walt in Swa ieglicher wolde sin Des het er vollen urlob Da az er wurzeln vnd loub Vnd swaz die erde in vruchte gab Von dem anderen hinab Ieglicher allo verre gie Daz si ein ander sahen nie Vntz si die zit wider treib Ieglicher in d̓ wuͦste bileib Spalte 2. Da mochte ein iegliche Sich queln vnd striche Vnd an sime gebete leben Swie im daz got wolde geben Ein ieglich was sin selbes da Beide verre vnd na Was nieman der in sehe Vnd icht von im v̓iehe Cristus d̓ vil reine Was sin gezvch aleine Ditz triben si vntz an die zit Daz d̓ groze tac gelit Daz man die palmen schuzet Des die niht verdruzet Die rechten gelovben haben Als si heten des ensaben ......... mite S.. das si die aschen entfiengen Des tages si vz giengen Vnd an den palm abende sider Kamen si mit vrouden wider DO zozimas der orden Des iares kvnt waz worden In nam sin michel wunder Do lobeter dar vnder Die selben gewonhait| e Nv kam die zit vf geleit In der si vz solden gun Zozimas der guͦte man Mit der gemein vz gie
zum Hauptmenü