goltvar kellen her scutte die. Daz her sa suzes icht horte nie. Van dem male daz her wart geborn. Di bovm dvchte ovch in so vz erkorn. da der Vogel vffe saz. Her dachte allus. wi komet daz so dicke ich durchgangen han. Dissen walt. Daz mir so wol getan. Alse ich mich nv v̓sinne. Nech ein bovm erscein hir inne. Indeme vogel lange vnde sime wuneclichen clange. Stvnt her so lange zu. daz man nach p̓me sit. lvdte mittemorgē an. Der vogel to heben sich began. vf zv himele scone. Van deme svzen done. der mvnich da gesceiden wart. vnde ginc trvric vf di wider vart. Do der mv- nich zv closte̓ sa. da enkante her niemāne da. Nieman auch in erkante. Vnde dinc manig̓hante. di her vore da hatte gelazen. vant her u̓wandelt ane maze. Des nam in michel wnder. Di samnūge albe svnder. vrageten in der mere. wi ez komen were. Der berichte her si vil rechte. vnde nāte in sin geslechte. Der appet verlan sich do zv hant. wi man da gescrben vant. Daz ein mvnich hi bevorn. wart in des meien zit v̓lorn! Vnde si v̓lv̓nen alle sich dar an. daz er were der selbe man. Vnde szalten di iar. Do was es rechte daz is war. daz her dānen sciet als ich vh sage. tvsent iar in deme tage. Si werden allesamens vro. vnde labeten got van himele do. daz her bi namē were. ein rechter wnde̓re. Sint van des einen engeles sange. vnde sinne wvniclichen clange. Dvnken den mvnich hegvnde. tvsent iar so kurze stunde. So svlt ir m̓ken da bi. Wilich w̄ne in himelriche si. da manic tvsent engelscare clingent vnde singent dare. Dar mach tv g̓ne mensche streben. da ist gar woneclichez leben. Got vns dar noch brēgen mvͦze durch sin̄ mvt̓ svze. Zv sulch̓ vroudē scalle. no sprechêt. am̄. alle.
zum Hauptmenü