1399.
Archiv Engelberg
Allen den die disen brief an sehend oder hoerend lesen künden vnd vergieh ich peter türler von Egre das ich| mit guͦtter vorbetrachtung vnd durch minen nutz recht vnd redlich für mich vnd min erben recht vnd redlich verköft| vnd ze koffene geben han eines Ewigen vnwiderruͤflichen kofs dem Erwirdigen geistlichen herren hern Walthern| von gottes genaden abt des erwirdigen gotzhuses ze Engelberg sant Bendichten ordens an state vnd in na- men der| geistlichen frowen der Meistrinne vnd des Couentz der closter frowen des vorge- nanten gotzhuses vier pfunt pfen̄ing| geltes Ewiger gülte an alle minrung vnd ane allen iren schaden der müntz so geng vnd geb ist in dem ampt| ze Zuge vmb sechzig pfunt pfen̄ing die er mir gar vnd gentzlich gewert vnd bezalt hat vnd mir in minen | guͦtten nutz komen sint vnd han in die obgenanten vier pfunt ewiges geltes geben vf einem guͦte heisset schoͤnenfure| stosset einhalb an der Frowen guͤter vf dem bach von switz anderhalb an die lantstrass vnd lit ze hoͮptse vnd ist her-| schaft guͦt vnd statt nüt vormals vormals dar vf vnd wer das guͦt inne hatt der sol die vier pfunt jetlich da von weren| vf sant martis tag oder dar nach in dien nechsten acht tagen ane geuerde vnd wenne ich vnd min erben vnd| der das vorgenant guͦt inne hat den vorgenanten frowen oder ir gewissen botten den selben zins nüt wertin vf| den vorgenanten tag oder dar nach so er einest geuordret wurde nüt wertin vnd gebin, muͤstin sy denne dar über| botten senden ritend oder gend, einig oder selb ander den kosten schaden vnd zerung sollind ich, min erben vnd| wer das vorgenant inne hatt, inen gar vnd genzklich ab leggen vnd geben ane geverde vnd sol des vorgenanten guͦtz| bluͦm alli jar ir pfand sin für den vorgenanten zins vnd kosten ob deheiner dar vf giengi dar vmb loben ich| vnd han gelopt für mich vnd alle min erben den vorgenanten frowen vnd allen iren nachkom- men des vorgenanten verkoͮften| geltes were ze sinne vnd recht werschaft ze tuͦne an allen den stellen da si sin notdürftig sint vnd da ichs durch| recht tuͦn sol für herschaft guͦt vnd han inan dis verkoft gelt vf geben vnd geuerget an Ruͦdolfs von Ospental | Amman zuge hand als vmb so-lich sachen im hoffe sitt vnd gewonlich ist Vnd des ze einer meren sicherheit das| dises alles samen was hie vorgeschriben stat kraft vnd macht hab nu vnd hie nach so han ich Rudolf von Ospendal| Amman zug min eigen insygel offenlich gehenkt an disen brief von peters türlers Ernstlicher bett wegen| mir vnd minen erben vnschedlich der geben wart ze Egre in dem tal an sant Vlrichs tag in dem Jare do man| zalte von gottes gebürtte drizechen hundert vnd nünzig Jar vnd dar nach in dem nünden Jare. Hie bij| waren die das sachen, vnd horten haus babus peter hess Ruͦdi Ber Ruͦdi Job Heine im gemein Heine smit| vnd ander erber lüten vil vnd genug.