für 1382. H. Lüpold(probus) von Oestreich versezt die Veste Landegg dem Hartm. von Seheim Kyburgs und die Vogtei Frauenfeld Wir Leupolt von Gots Gnaden Hertzog zu Oester, zu Steyr , zu Kernden und zu Krain , Graf zu Tyrol Marg-| graf zu Teruis etc. Veriehen und tuͦn kunt, offenlich mit disem Brief, für vns vnd vnser erben, Als vnser getrewer| Hartman von Seheim, die vest Landegg und was darzuͦ gehoͤrt von vns innhet, für tausent mark perner | Meraner münzz, vnd Im, von vnserm getrewen Herdegen von Goldenberg vnd von seiner Hausfrawen Siben Hundert| mark daran worden sind. Sein wir dem egen̄ von Seheim von losung wegen der obgenan̄ vest zu Landegg vnd| was darzu gehört, noch schuldig beliben, drew hundert mark perner Meraner münzz die tausend guldein pringet| für dieselben sym̄ guldein haben wir Im und seinen erben, versetzt, die Sechtzig phunt Züricher pfening die| vns ierkich geuallen solten, auf dem ampt, und von der Stür zu Kyburg , vnd die sein vatter ytzund zuͦ leibding| innhat, vnd haben In auch dartzu versetzt, vnsre vogtey zu frawenuelt, Mit sölcher beschaidenheit, daz er vnd| sein erben, süllent, die selben vogtey ytzund innhaben vnd niezzen mit allen eren rechten vnd nützen die dartzu, ge-| hörent, Vnd wenn der egenant sein vatter abget, So sol er vnd sein erben, die vor- genant Sechtzig phunt gelts| auch damit innhaben, vnd niezzen in phandes weise ân abslag des nütz, als lang vntz daz wir, oder vnser erben, si der| egenant tausent guldein gentzlich, gerichten and gewern ân alles geuerd, Wenn auch wir, oder vnser erben, si, mit dem| vorgenant irm gelt, ermanen So süllent si vns, der losung statt tün vnd gehorsam sein als ander die phandscheft| von uns habent, an alles vertziehen vnd wiederrede. Mit vrchund ditz briefs Geben zu Gratz an Sannztag vor| sand Michels tag, Nach Christs gebürt, drew- tzehenhundert iar darnach in dem zway vnd achtzigistem Jare. Sigillum quinque scutis ornatum b. c. pendet. ex originali in castello meersburg collectioni l. B. de Laszberg attinenti copiat aº D. mdcccxlviii. 12 kl. aug.
zum Hauptmenü