1368.
NB. que hic usque ad lineam adposita sunt in originali desiderantur. Wir Abbet Rudolf vnd das Gotzhus zu Ergelberg Sant Benedicten ordens in Costenzer Bistom gelegen. Veriehen vnd tuͦn kunt offenlich mit disem brief. Allen die inn an- sehent dac Her Burkart von Diessenhouen korher ze Werde recht vnd redlich ze koͮffende geben het, alle die nütze die von der kilchen zu Küssenach bi Lucerner Sewe gelegen iaerlich fallent mit den zinsen, den Huͤnnren und andern guͤlten vnd nüttzen mindren und meren genennet vnd vngenennet, die eim kilchherren daselbs billich ierlich werden sülle vmb hundert, drissig vnd fünf guldin guͦter vnd geber an golde vnd mit rechter gewicht, Als die brief bewisent, die er vns und vnserm Gotzhus darumb geben het, mit guͦter vorbetrachtunge, mêren schaden ze verschenne, und durch gemeinen nutz und notdurft vnsers Gotzhus dem selben Hern Bur- kart von Diessenhouen inen: die vorgenanden fünf vnd dreissig vnd hundert guldin guͦter vnd geber an golde vnd mit rechter gewicht, ierlich ze werende vnd ze oder zu Arowe gebende ze Brugg eintweder, wederthalb er wil, off sant Martis tage, âne alle wider rede, vnd sol im dar an enhein schade sin, Lantv̓rlig, Hagel, der zins faellt noch enhein anderding sant Martis tage, der nu nechst kunt nach dem Tage als dirre brief geben ist. Harvmbe, daz er des selben geltes dester sicherer si, so geben wir im gelten Hren Joh̓ von halwil vnd Johanser von Escholtz. Rittere, Ruͦdolfen von Halwile, Johansen von Ostren, und Cuͦnraden Stulinger edele knechte. Mit dien tage gedingen, daz wen wir nit zaltend die 135 guldin, ze Brugg , oder ze Aroͮwe, ierlich vf dem vorgeschribenen, daz sich denne die vorgenanten Bürgen alle fünfe antwurten wirte vnd legen ze Giselschefte so dikkel si gemant werdent, ir ieklicher mit eim pherit, an offenne, ze feilem guͦte, vnd ze rechten mâlen, old ir ieklicher der mit sin hern Burkarts von Diessenhofen willen einen andern will an siner statt, in die giselhhaft schiken und legen, der an siner stette leiste, vnd belibe, vnd als tür kom̄e, als er tuͦn muͦsti ob er selber listen inlaege. Och sollen die Gelten odikke sie, dar vmbe zu hus und zu hof, old under oͮgen mit botten oder mit briefen gemant werdent, vnd sol si hie vor enhein sache noch ding schirmen das si riten vnd antwurten, mit namen zem tag zweimâl, ane allen fürzug nach der Statt, in die si den gemant werdent sitten vnd gewonheit, ane êhaftü nôt, und sollen sie hn Burkarten von Diessenhofen geweren des vorgenanten geltes gar und gentzlich, als dik so es ze schulden kumet, vnd des schaden so er von enpfât sullent si abtuon an dien sachen, vegenarlich mit klag oder ane klag. Beschech ouch, dar vor got si, daz der vorgenanden Bürgen deheiner vnder dannen deheines geprehtens wegen verdurbe, so solle billich in den nechsten vierzehen tagen, so daz an vns oder an vnser nachkomen, ze hus vnd ze hof, old vnder oͮgen mit botten, oder mit briefen inen gemelt vnd ze wissen̄e worden ist, wenne si des ermant werdent, alle die wile vntz wir inen nit ein andern Bürgen als guͦten ane geuerde geben han, an des setzen. selben statt. Ouch lobent die vorgenanden.. Abbet und Conuent des Gotzhus ze Engelberg frilich für vns vnd vnser nachkomen, die vorgenanden Bürgen alle wir schadlos ze halten̄e genzlichen vmb dis sache. Muͦsten oͮch si vnd oͮch Her Burkart von Diessenhouen, alle oder ir deheiner bisundere deheines iares nach dem gmelten Sant Martins tage vns de wederes bisunder nach varn, nach klagen oder botten senden, riten oder gan, selb ander old selb dritter, old weles wegs si von dirre oder sache wegen faren müzten ze gerichte, den schaden vnd die zerung han wir inen oͮch gentzlich gelobt bi guͦten trüwen und bi vnsers ordens êre ab zu legenne vnd ze wenden̄e gar vnd gaenzliche wir lobenne ane sweren vnd ane ander gezügsami alles ane geuerde. Were oͮch daz der vor genant Her Burkart von Diessenhouen vns dien fürer vorgeschribnen gelts wegen wolti allen oder deheinem sunderlich deheins iars einest oder mêre tag geben vnd ob er ein der oder(?) driie Bürgen manoti vnd woltent dü bürgen mêr ald minder nit leisten noch hast sin, vnd sol oͮch daz dem egenanten Hern Burkarten von Diessenhouen an sinen rechten enhein schaden sin. Wan̄ wir enzihen uns alles Rechts vnd verbieten geistlichs noch weltlichs noch enhein ding so ieman erdenken kan oder mag, und daz dirre brief vnd was dar an ge- schriben stat nit geswecht nu vnd hie nach wurdi an Schrift an Bermit an Insigeln oder an deheinen dingen alle dü wile so der vorgenande Her Burkart von Diessenhofen lebet weder von vns, noch deheiner hand ander sache. Dar zuͦ han wir die vorgenanden. Abbet und Conuent des Gotzhus ze Engelberg vns gen im in Sicherheit geben elln vnverscheidenlich mit rechter wissende, und entzihen mit disem brief aller Hilfe geistlichs und weltlichs rechtes geschribens vnd vngeschribens. vnd gesase, aller fryheit vnd guaden die vns, vnserm orden vnd vnserm Gotzhus nu von ieman geben vnd erwoben sint, oder hie nach geben werden, oͮch aller Akuste, so hie wider erdacht werden moͤchte vnd mit namen des rechten daz da spricht. ein gemein verzihen vernahe nit, es lfes disü gült, dirre brief oder deheins der vorgeschribenen dingen, nu oder hie nach békrenket, oder wideruft werden maechtin. Wir dü vorginanten geloben dis alles ane geuerde. Vnd doch mit der bescheidenheit venne der selb Her Burkart von Diessenhouen von dirre welte gescheidet so sont wir den Erben dü si an vns fordren werden noch gehorsam sin ze gebende, es wêre denne, daz im danne v̓zit geuallen mêre, das sont wir inen richten bi der pene so vor- geschriben stat. Wir henken dü oͮch é genanden.. Abbet Ruͦdolf vnser Abtey Ingesigel, vnd der Conuent des vorgenanten Gotzhus ze Eugelberg vnsers Gotzhus Ingesigel an diesen brief zu sicherung dirre sachen. Wir Johans von Halwile, Johans von Escholtz Rittere. Ruͦtschman von Halwile, Johans von Ostren vnd Cuͦnrat Stuͤlinger edele knechte bezügen was oben von vnns geschriben stat vnd haben oͮch gesworen vnser ieklicher ein gelerten eid ze den Heiligen, vnd mit vf gehepter hand, es alles stet ze haltenne nu vnd fürbas, und des ze vrkunde so hat vnser ieklicher sin Ingesigel offenlich gehenket an disen brief. Der geben ist an dem Sibenden Mº CCCº Tag Heumonds(?) Sechtzig iar, dar nach in dem achtoden iare, Do dü Indicion was dü Sechste: Dieser Brief war wirklich besigelt noch lisst man an den Spalten die Namen wohin die Sigel