Also heysz aus einem ofen und lasz es darauff ligen drey tag vnd drey naht darnach nym altz smer und tennen pleter vnd misch daz zusamen vnd salbe es dick damit so wirt es gesunt. Welhs rosz agenhüff ist so nym lau- ter werck vnd prayt es daz es zwayer vinger dick sey vnd stosz es in ein heysz pech vnd lege es dem rosz also warm darauff vnd vber drey tag so nym es wider herab vnd nym kleyen vnd saltz gleich und misch das mit starckem essigk vnd reib im die füsz dick und offt es wirt gesunt. Welhes Rosz hertzschlechtig ist so nym entzian einen pecher vollen vnd ein vierteil eins pechers saltz vnd mach daz lö mit wein und gewsz es dem Rosz in den halsz es wirt gesunt.
zum Hauptmenü