1374.
Rudolf von Tengen verfaufft seinen hof und den firchensaz zu Kilchstetten um sieben und dreissig mark silbers an Rudolf von Loeffingen zu Schafhausen. Ich Ruͦdolf von Tengen ain friier Herre. Ritter. tuͦn kunt mit disem brief allen den die in ansehent alder hoͤrent lesen. vnd vergihe offenlich. das ich für mich vnd alle min erben vnd nachkomen. den hof der min aigen was vnd gelegen ist ze Kilchstetten den Herman der Nuͥfererer buwet vnd minen tail vnd min recht des kilchensatzes und der kilchen ze Kilchstetten lihen der in den selben hof hoͤret, vnd alles das das ich ze kilchstetten hatt, es sügn Lüt oder guͦt, l: siien geriht, twing, baͤnne, holtz, velt, akker, wisen, wunne oden weiede, ald wie man l: wisan es benemmen kan, od̓ mag, mit allen nützen vnd rehten, so darzuͦ hoͤrent das alles min aigen was, ze koͮffenne geben han vnd oͮch gib mit disem brief, aines rehten vnd redelichen koͮffes für reht aigen Ruͦdolfen von Loͤffingen burg̓ ze Schafhusen. vmb drissig mark, vnd vmb siben mark guͦtes und loͤtiges silbers Schafhuser gewiht. Des silbers ich von im gentzelich gewert bin, vnd das ich an minen guͦten nutz han bekeret des ich mit disem brief offenlich v̓gih. Vnd da von han ich vf geben. vnd gib oͮch vf, mit disem brief für mich vnd min erben vnd nachkomen. Den obgenante hof vnd minen tail des kilchensatzes ze Kilchstetten d̓ darin hoͤret, vnd alles das das ich ze Kilchstetten hatt als hie vor beschaiden ist, dem obgenantē Ruͦdolfen von Loͤffingen vnd sinen erben vn̄ nachkomē ze rehtem aigen, inen ze habenne vnd ze niessenne vnd ze lihenne, od̓ zu besetzenne, ald zu entsetzenne, nah irem willen wen es alles ir aigen ist vnd sol sin. Ich han mich oͮch entzigen vnd entzihe mich oͮch mit disem brief, gegen dem vorgen̄ Ruͦdolfen vnd sinen erben vnd nachkomen. des obgenantē hofs mit minem tail des kilchensatzes. ⌜ hatt das ich ze koͮffenne geben han als vorbeschaiden ist. dem vorgen̄. Ruͦdolfen von Loͤffingen. vnd alles des rehtes, od̓ und swas ich ze Kilchstetten ⌜ ansprach. so ich ald min erben od̓ nachkomen daran hattent. Darzuͦ han ich oͮch gelobt für mich und min erben vnd nachkomen. Dis Koͮffes vnd des egenantē hofs mit minem tail des kilchensatzes d̓ darin hoͤret. und swas ich ze Kilchstetten hatt. das ich dem egenantē Ruͦdolfen von Loͤffingen zu koͮffenne han gegeben als vor beschaiden ist. für reht aigen wer ze sinne nah dem rehten des selben Ruͦdolfs von