ex collectione Laszbergiana Marsipoli. 1293. Alle die disen brief sehent oder hoͤrent lesen, künden wie Elizabeth graeuin von Homberg vnd frowe ze Raperswile graue Herman von Homberg und Ita sin swester Graevin von Homberg, das wir vnser eigen swaz wiz hatten ze Meriswanden lüte vnd geuot, vnd den hof, da der kilchensaz in hoͤret mit aller ehasti, mit wisen und äkker, mit hoͤltze, mit walde, mit wune, mit weide, mit wasser reuse, vnd mit alle dem rehte, als wir das hat- ton braht, verkouft vnd geben hein hern Gotfrit von Hünoberg zeigen vmb zwentzig vnd drühundert mark loetigs siebers, vnd sin och des gewert alleklichen, und ist dis beschehen mit mis vogts hant hern Ruodolf von Wadis- wil des fryen, den ich vber du sach nam, vnd ich Ita von Homberg div grae- uin han es ouch getau mit mis vogts hant grauen hermans von Homberg mis bruodern, vnd sol ich dü vorgenante Graeuin Elisabeth wer sin der vorgenanten lüten an gueter, an gaistlichem vnd weltlichem gerihte vnd an allen den stetten, da sin her Gotfrit von Hünoberg bedarf gegen rehte ald sin erben, ob er vt en ioere, und hon ouch gesworen zen heiligen offenlichan, das ich die vorgenande lüte noch guot niemer gevördran sol, an gaistlichen noch an weltlichen gerichte, noch an keiner statt, da es hern Gotfriden von hünoberg ze schaden kome, ald sinen erben. Och han ich bürgen geben für mine kint Wernher, Ruodolfen, Ludwigen, Zilien vnd Claren, swenne si zeir tagen komen, das si dü vorgenanten lüte vnd guot vfgeben sond, und vertgon herren Gotfride von Hünoberg ald sinen erben, mit al- lem dem rehte vnd der gewarsami, als er sin ald sin erben bedurflint, vnd sind ditz dü bürgen, graue Herman von Homberg, Her Rudolf von Wediswyl, her Rüdeger von Werdegge, her Peter von Eptingen, Iakob der Schulthezze von Raperswile, Heinrich von Ebnode, der amman Al- breht von Ruite, Walter Glarus, Johannes Gaemlünstein, Heinrich der Amman von Raperswile, Volrich von Kaltbrunno, Kraft von Ebnode, Cvonrad der Truhsezze, Heinrich der Marschalch, Ruodolf von Wagen, Werner von Rambach, arnold Leidgast, Heinrich Eckel, Cvonrat der Banwart
zum Hauptmenü