Transkription / 1 [12

zum Paulinum durch elamiten. vnd durch dye babi lonier. vnd die chaldeos medos. vn̄ aſſirios. portos. ſyros. phenices. arabes. paleſtinoſ. vnd keret wider zu al lexandriam vnd durchwandert mo renland. das er ſehe die heydniſchen naturlichen meyſter. vnnd den berumbtiſten tyſch der ſunnen ſehe in dem ſand. Vnd fand der man an al len ſtetten das er lernet vnnd alſo nam er allweg zu. vnnd wurde allweg beſſer vber ſich ſelber. Vnnd er hat geſchriben vber das volkumenlich acht bucher der naturlichē kunſt Das ander capitel As rede ich von weltlichen menſchen ſo Paulus der zwoͤlfbot das vaß der außerwelung. vnnd der meyſter der heyden. der von der gewiſſen eynes ſoͤllichen geyſtes in im alſo hat geredt. Was ſoll das ſeyn erſucht ir ſeyn erfarung. das in mir redet criſtus. Darnach hat er beſucht Damaſcum vnd arabiam darnach gieng er auff gen iheruſalem das er wolte ſehen Petrum. vnd belyb bey im funffzehen tag. Vnnd diſe ſiben. vnnd acht. betewten geiſtlich das er ſolt ſeyn ein zukünftiger prediger d̓ heyden. vnnd die zuͦ vnderweyſen. Aber hynwiderumb nach vierzehen iaren. do nam er mit im barnaban vnd thitum. vnd leget auß das ewā gelium der zwoͤlffbotten. das er villeicht nit lieffe vergebens oder vmb ſuſt. Es hat. ich weyß nit was verborgne krafft vnnd würckung das werck leblicher ſtymm. wirt außgegoſſen in die oren des iungern. ſo ſy ſtercklich lauten auß dē munnd des meyſters. Vnnd darumb do Eſchines im ellend was zu rodi. vnnd do man laß das gedicht Demoſtenis. das er hett gehabt wider in. Vnnd do ſy ſich des alles gewunderten vn̄ lobten. do erſeufftzte er vnnd ſprach. Was hetten ir gethan hetten ir gehoͤrt das ein tyer ſoͤlliche wort hett auß geduͦnet. Das drit capitel Iſe ding ſprih ich nicht. darumb dz icht des geleichē in mir ſey dz du mugeſt gelernen von mir aber dz du mugeſt gehoͤren von mir. beſunder deyn hitz vnnd fleyß zu der lernung ſoll beweret werden auch on vnß. Wann lerlichs gemuͤt vnd on eynem lerer iſt lobes wert. wir mercken nit was du vindeſt. ſunder waſ du ſuͦcheſt. Eyn weyches wachs vn̄ das gering iſt zu den formen. auch ob nun dy hend des meyſterſ vn̄ des wurckers auf hoͤren iedoch iſt eſ gātz in ſeyner kraffr. was darauß werden mag. Paulus der zwoͤlffbot der glo rirt das er das geſetz moyſi. vnd der propheten hab gelernet zu den fuſſen gamaliels. das er alſo gewafnet was mit geyſtlichen pfeylen. darnach lert er getrewlich. wann dy waf fen vnſer ritterſchaft ſein nit fley