Seite
Der Leuiten CIIIIIIII. niget biß das ſy veriehen ir boßheyt vnd gedencken ir ybeln dinge mit dē ſye haben vbertretten wider mich vn̄ giengen wider mich. darumb vn̄ ich gee wider ſy vnnd ich füre ſy in dz fein tlich land biß das ſich ſchemet ir vn̄ beſchnitens hertz. Vnd denn betten ſy vmb ir vnmiltigkeit vnd geden­cken meynes gelübds. dz ich hab ge­macht mit abraham. yſaac vnd ia­cob. Vnd ich wird gedencken der erd ſo ſy wird verloſſen von in. vnd ge fellet oder behaget ir ſelbs in irē ſam pßtagē. leydend die eynoͤde vmb ſye wann ſy ſelb bitten vmb ir ſünd dar ümb das ſye verwurffen meine vr­teyl. vnnd verſchmechten meyn ee. Ia auch da ſy warenyn dem feint­lichen lande. ich verwarff ſy doch nit gantz. noch verſmecht ſy. alſo das ſy wurden verzeret vn̄ macht zu nichte mein geluͤbd mit yn. Wann ich bin der herre ir got. vnd ich gedenck mei nes erſten gelübds. do ich ſy außfüret von dem land egipten ynn dem an­geſicht der heyden. das ich wer ir gott Ich der herr. Ditz ſeyn die gebot vn̄ die vrteyle. vnnd die ee. die der herre gab zwiſchen im vnd zwiſchen den ſünen iſrahel. an dem berge ſynai du rch die hand moyſi. Das X.VII. captel Von geluͦbdnuß der menſchen vnd des vichs vn̄ der heuſer. wie man die halten ſoll. d der herr redt zu monſen. ſagennd Rede zu den ſünen iſra­hel. vnnd ſprich zuͦ yn. Der menſch der do thht ein gelübd. vnd gelobd got ſein ſeel er gebe den werde nach der achtung. Iſt eyn knab von dem zwaintzigiſten iar biß zu dem. lx. iar der geb. l. ſickel des ſilbers zu der maß der heyligkeit. ob es iſt eyn weyb. ſye gebe.xxx. Aber von dem fünfftē iar biß zu dem.xx. das menlich geb.xx. ſickel. die fraw. v. Vonn eim monet biß zu dem fünfften iar. werden gege ben für das menlich. v. ſickel für dye frawen. iij. Der ſechtzig ierig mann vn̄ darob der geb.xx. ſickel. dy fraw v. Iſt er arm vn̄ mag nit widerkeren die achtūge. er ſtee vor dē prieſter. vn̄ alßuil er achtet vn̄ ynn ſicht mügē zu uergelten. alßuil geb er. Aber dz tyer das do mag werden geopfert dē her­ren ob etlicher gelobd. es wirt heilig vn̄ mag nit verwandelt werdē dz iſt nit dz beſſer. mit dē boͤſen. noch das boͤſer mit den guͦtten. Vnnd ob er es verwandelt. Vnd das. das da iſt ver wandelt vn̄ von dē es wirt verwann delt. er werd geheyliget dem herren. Das vnreyn tyer. das do nit mag werden geopfert dem herre. ob dz et­licher gelobd. es werd gefürt zu dem prieſter. er vrteyl ob es ſey gut oder boͤß. er geb darfür dē werde. vn̄ ob es der will geben der es opfert. er zuleg vber die achtung dē fünfftē teyl. Ob der menſch gelobet ſein hauß vnd ge heyligt es dē herrē der prieſter d̓ mer­cke es ob es ſey gut oder boͤß. vnd es werd verkaufft nach dē werde der do wirt geordnet von ymm. Wann ob es der will loͤſen der es hat gelobd. er ge be darüber den fünfftē teyl der ach­tung. vn̄ hab das hauß. Vn̄ ob er ge lobdeinē acker ſeiner beſitzūg vn̄ ge heyliget den dem herren der werd ge­acht nach d̓ maß des ſamēs Ob dy er de werde geſeet mit.xxx. maß gerſtē