Seite
Buch Das men. vnnd hat euch außgefürt von dem eyßnin offen egipt. das er het ein volck des erbs. als es iſt vntz an di­ſen gegenwirtigen tag. vnnd der herr warde erzurnt wid̓ mich vmb ewer wort vn̄ ſchwuͤr. dz ich nit vbergieng den iorda noch eyngieng in das deſt land das er euch iſt geben. Secht ich vbergee nit denn iordan. ich ſtirb in diſem lande ir vbergeet vnnd beſitzt das edel land. Huͦt dz du etwen nitt vergeſſeſt des geluͦbds deins herrē gots. dz er hat gemacht mit dir. vnd machſt dir eyn außgehawen geleych­nus der ding die der herr hat verbot ten das ſy werdē gethan. Wan̄ dein herr iſt eyn verwuͤſten des fewr. got der iſt eyn recher. Ob ir geperend ſuͦn vnnd enicklein. vnd ir wonend in dē land. vnd macht ir euch zubetrigen ettlich geleichnus. ir begeet das vbel vor ewerm herren gott. das ir in be­weget zu dem zorn. ich anruͦfft heut zugezeugen den hymel vnnd die erd. das ir bald werdent vergeen von d̓ erd. das ir ſeyt beſitzen in dem vber­gang des iordans. Ir wonend nitt lank zeyt in im. wann der herr der ver tylgt euch vnd zerſtrewet euch vnd̓ alle leut. vn̄ ir beleybet luͦtzel vnder den geburten zu dem euch der herr iſt fuͦren. vnnd do dient ir den goͤttern. dy do ſeyn gemacht mit der hand d̓ menſchen von dem holtz vnd vonn dem ſteyn die do nit ſehen noch hoͤrē noch eſſen noch ſchmecken. Vnnd ſo du da ſuͦchſt deynen herren gott du vindeſt in. doch ob du in ſuͦchſt mitt einē gantzem hertzen. vnd vō gantzē trubſal deyner ſel. darnach ſo dich vinden alle dye ding die dir ſeyn ge­ſagt. In der iungſtenn zeitt dukerſt wyder zu deym herren got vn̄ hoͤrſt ſein ſtym wann dein herr gott der iſt barmhertzig. Er laſſet dich nit. noch vertylgett mit all. noch vergißt des geluͦbds in dem er hat geſchworenn deynen vettern. Frag von den altten tagen dy do ſeyn geweſenn vor dir. an dem tag an dem got geſchuͦff den menſchen auff der erde vonn der hoͤh des hymels vnntz zu ſeyner hoͤh ob ye ſey geſchehenn in diſe weyß oderr ymer wirt erkant. das das volck hoͤ­rtt dye ſtym des redenden von mitt des fewers. als du haſt gehort vnnd geſehen ob got gethan hab dz er eyn gieng vnnd nem im eyn volck von mitt der geſchlecht durch die verſuͦch ung durch die zeychen vnd die wun­der durch dē krieg vn̄ dy ſtarck hand vnd durch den geſtreckten arm vnnd dye frayßlichen geſiht. nach allen dē dingē die der herr ewer got tett vmb euch in egipt dz irs ſaht mit den au­gen. vn̄ wiſſeſt das er ſelb der herr iſt got. vnd keyner ander iſt nit auß ge­nomē eyner. er macht dich hoͤrē ſeyn ſtym von dē hymel. das er dich lere. vnd zaygt dir ſeyn groß fewer auff der erd. vn̄ du haſt gehoͤrtſeyne wort von mit des fewrs wann er het lieb deyne veter vnd er erwelte iren ſamē nach in. Vnnd er fuͦrt dich auß von egipto. er gieng vor. in ſeyner gro­ſſen krafft das er vertylget in deim eyngang die groͤſten geſchlecht. vnd die ſterckſten. denn du. vnnd fuͦrtt dich eynn vnnd gab dir ire land zu eyner beſitzung. als du ſihſt in ſy­ſem gegenwirtigenn tag darumb ſo wiſß heuͦtt vnnd gedenck in dey nem hertzenn das er ſelb iſt der herr gott obenn im hymel. vnd hernydē