Seite
Buch Das nym den namen deines herren gotz vppigklich. wan̄ er bleybt nit vnge peyniget. der do nympt ſeyn namē vber die eyteln ding. Behuͤtt dē tag der feyer. dz du in geheyligeſt. als dir deynn herr gott gebot. ſechs tag arb­alte oder wurcke vnnd thu all deyn werck der. viij. tag iſt der feyer das iſt die rwe deyns herrē gotz. Nit thu an im keyn ding des werckeß du vnnd deyn ſün vnd die tochter. der knecht. vnd die diern der ochſſe. vnd der eſel. vnnd alles deyn vih. vnd der frembd der do iſt zwiſchen deynem thorn. dz deyn knecht rw vnd deyn dyern als auch du. Gedenck das auch du dien­teſt in egipto vnd deyn herr got fuͦrt dich auß von dannen in eyner ſtarckē hand vnd in eym ſtarcken arm. dar­umb gebot er dir das der tag d̓ feyre wuͦrd behuͦt. Ere deynen vater vnd deyn muter als dir hat gebottē deyn herr gott. das du lebſt lange zeit. vnd dir ſey wol in dē lande das dir deyn herr gotriſt gebē. Nit toͤdte. nit brich dye ee. nit thu diebſtal. nit rede falſch gezeugknuͦß wieder deynen nehſtenn Nit begere dz weyb deynes nehſten. nit das hauß. nit den acker. nit dē kne cht. nit die diern. nit den ochſſenn. nit den eſel. vnnd alle die ding die ſeyn ſeyn. Das ſeyn die wort die der herr redt mit eyner groſſen ſtym an dem berg zu aller ewer menig von mitt des fewrs. vnnd der wolcken. vnnd der tunckel. er ſetzte nitt mer hynzu. vnnd ſchrib ſy yn zwu ſteynen tafe­len die er mir antwurt. Vnnd dar­nach do ir het gehoͤrt die ſtym vonn mit der vinſternuß vnnd ſahend dē berg brinnen all ir fuͤrſten der tau­ſenter vnnd merern der geburt ir ge­nachtet euch zu mir vnd ſpracht. ſich vnſer herr got hat vnß gezaygt ſein maieſtat vnd großmechtigkeyt. wir haben gehoͤrt ſeyn ſtym vō mit des fewrs. vnnd wir haben heut bewert ſo gott redt mitt den menſchen das der mennſch lebt. Darummb war­umb ſterben wir. vn̄ vnß verwuͤſtet diß groß fewr. Wann ob wir fuͤrbaß hoͤren dye ſtym vnſers herren gots wir ſterben. Was iſt alles fleyſch dz es hoͤre die ſtym gotz des lebendigē. der do redt von der mitt des fewers. als wir haben gehoͤrt. vnnd mügen leben. Du genach dich mer. vnd hoͤr alle ding die dir ſaget vnſer got vnd rede zu vnß. vnnd ſo wir es hoͤren. wir thun ſy. Do dz der herr got het gehoͤrt. Er ſprah zu mir. Ich hab ge hoͤrt die ſtym der wort des volcks dy ſy haben geredt zu dir ſy haben wol geredt alle dinng. wer gibt ſy zu ha­ben eyn ſollichs hertz. dz ſy mich fuͦr chten vnnd beheuͦten alle meyn ge­bot yn eyner yegklichen zeyt. das in wol ſey vnnd iren ſuͦnen vntz ewig­klich. gee ſpriczu in. kert wid̓ in ewer gezeldt aber du ſtee hye bey mir. vnd ich redt zu dir alle gebot vnd dye ge ſetz vnnd die vrteyl die du ſy lerſt. dz ſy die thun yn dem land. das ich yn gib zu eyner beſitzung. Darumb be­heuͦt vnnd thut die dinng dye euch der herr got hat gebotten. Nit nay gt euch noch zu der gerechten noch zu der gelincken. ſünder geet durch dē weg dē euch d̓ herr hat gebottē. dz ir le bt. vnnd euch ſey wol vnnd alle ewer tag werden gelengert ynn dem lannd ewer beſitzung.