Transkription / 1 [289

Der andern Ee CXIIII. ſprich ynn deim hertzen der herr hatt mich eyngefürt vmb meyn gerechti gkeyt das ich beſeß das lannd. ſo diſe heyden ſeyn vertylgt vmb ir boß heyt. Wann du geeſt nitt eyn. das du beſitzeſt ir lannd vmb deyn gerechtikeyt vnnd vmb dye gleicheytt deyns hertzen. aber darumb das ſye boͤßlich würckten. do du eyngiengeſt ſeyn ſy vertilget worden. vnnd das der herr erfuͤlt ſeyn wort. das er hatt verheyſſen. vnder dem ayd deynen vettern abraham yſaac vnnd iacob. Darumb ſo wiß das dir deyn herre got nit hat geben ditz lannd zu eyner beſitzunng. ſo du biſt eyn volck hertens halſ bains oder nackes. Gedenck das du nit vergeſſeſt yn welcherweyß du bewegeſt deinen herren gott yn der eynoͤde. von dem tag yn dem du biſt außgangen vonn egipt vntz zu der ſtatt wider die du kriegeſt zu allen zeytten. Wann du bewegteſt yn auch ynn oreb. Er ward erzurnett Vnnd wolte dich vertylgenn do ich auffgienngē ann demm berge. das ich neme zwu ſteynen tafelen dye taffeln des geluͤbds das derr herr macht mit euch. Vn̄ ich belybe an dem berg. xl. tag vnnd xl. nacht ich aß nit das brott vnnd tranck nit das waſſer. Vnnd der herr gab mir zwu ſteynen taffeln geſchriben mitt dem vinger gotz. vnnd ſye hielten alle die wort dye er redt zu euch ann dem berg vonn mitt des fewers. do dye vereynigung des volckes ward geſament. Vnnd do.xxl. tag vnd als vil nacht waren vberganngen. der herre gab mir zwu ſteyne taffeln. dye taffeln des geluͤbds. vnnd er ſprach zu mir. Stee auff vnnd gee bald hin weg. wann deyn volck das du haſt gefu̇ret vonn egipt habend ſchnelli gklich gelaſſen deynen weg. den du yn haſt gezayget. vnnd haben in ge machet eyn goſſens bild. vnnd anderweyd ſprach der herr zu mir. Ich ſich das die ſes volck iſt hertes halßbains oder nacks. Laß mich das ichs zerkniſch. vnnd vertylge ſeynen namen vnder dem hymel. vnd ich ſetz dich vber eyn volck das do iſt merer vnd ſtercker den diß. Vnd do ich abgieng von dem brinnenden berg. vn̄ hielt die zwu ſteynen taffeln des geluͦbds in ytweder hand. vnd het geſehen euch ſunden. wider euwern her ren gott. vnnd euch haben gemacht eyn goſſens kalb vnd im dienen. vn̄ ſchnelligklich haben gelaſſen ſeynen weg. den er euch zaygt. ich warff die taffeln von meynen henden vnd zerbrach ſy in ewer angeſicht. Vnd ich viel nieder vor dem herren als zum erſten. ich aß nit brot vnd tranck nit das waſſer. xl. tag vnd xl. nacht vmb ewer ſunde. die ir tetend wieder denn herren vnnd ir yn bewegtet zu dem zorn. Wann ich vorcht ſein vngenad vnd den zorn mit dem er was beweget wider euch vnd wolt euch vertyl gen. Vnnd der herr hoͤrt mich auch zu dieſem mal. Er waß vaſt erzurnt wider aaron vnd wolt in zerkniſchen vnnd ich bat in zegleicherweyß vmb in. Wann euwer ſuͦnd die ir tet das iſt das kalb. ich begryff es vnnd ver brantt es mitt fewer vnnd zerbrach das zu ſtückenn vnnd machet es gantz zu aſchen. Ich warffe es ynn den bach derr do abgiennge vonn demm berge. Vond ir bewegtend den herren ynn der brinnung vnnd yn der verſuchung. vnnd ynn den grebern d̓ begirlickeit vn̄ do er euch ſand in ca