Seite
Der andern Ee CIIIIIIIII. Das XIIII. Capitel. Wie moyſes dem volck ſaget dz ſy die apgoͤtter zerſtoͤren ſolten. vnnd wie ſy ire opfer thun ſolten. Is ſein die ge bot vnnd die vrteylt dye du ſolt thun ynn dē lannd das dir iſt geben der herr gott deyner veter dz du es beſitzeſt alle dy tag in dem du geeſt auff der erde. Vmbkert alle die ſtette die ir ſeyt beſitzen. auff den hohen bergen. vnnd yn den bu­helen vnd vber eyn yegklichs grün ßholtz ynn dem die heyden haben ge­ert ir goͤtter. verwuͦſt ir altar vnnd zerbrecht ir ſeulen. verbrent die welde mit fewr vnnd zerbrechend die ap­gotter. zerſtrewet ir namen von iren ſtetten. Alſo thut nit ewerm herren got. aber das ir kumet zu der ſtat die ewer herr got hat erwelt von allen ewern geſchlechten das er do ſetz ſey nen namen vnd wone ynn ir. vnnd opfert an der ſtat die gantzen opfer vnnd ewer opfer. den zehenden vnd dy erſtē ding ewer hēd vn̄ dy geluͤbd vn̄ dy gabē d̓ erſtē fruͦcht der ochſſen vnnd der ſchaff. vnnd ir eſßt ſye do ynn dem angeſicht ewers herren gotz vnnd werde erfrewet in allen dē din gen zu den ir legt ewer hende ir vnd ewer hewſer ynn dem euch hat geſe­gent der herr ewer gott. Nit thut dye ding die wir heut hie thun. ein yegk­licher das yn bedunckt gerecht Wan̄ ir ſeyt nit kummen zu der ruwe vnd der beſitzung die euch der herr iſt ge­ben vntz ynn die gegenwirtigen zeyt Ir vmbgeet den iordan vnnd wo­net yn dem land das euch iſt geben der herre ewer got. das ir ruwet von. allen den feynten durch den vmb­kreyß vnnd wonend on alle vorcht yn der ſtatt die ewer herr got hat er­welt das ſeyn nam ſey in ir. Dohyn bringt alle ding die ich euch gebeut. dye gantzen opfer vnd die opffer. dye zehenden. vnnd dye erſten fruͤcht eü wer hend. vnnd was dings do iſt ge botten ynn denn gaben dye ir habt gelobt ewerem herren. Das eſßt von ewerem herren got ir vnnd die ſün vnnd ewer toͤchter dye knecht vnnd diern vnnd die leuiten dye do wo­nen yn eweren ſtetten. Wann ſy ha ben keynen anderen teyl vnnd beſi­tzunng vnder euch. Huͦt das du icht opfereſt deyn gantz opfer ann eyner yegklichen ſtatt dye du ſichſt. aber in der die der herrethatt erwelt in einem deyner geſchlecht. opfer dye opfer vn̄ thu dye dinnge dye ich dir gebeutt. Wann ob du eſſen wilt vnnd dich wolluſtigt zu eſſen des fleiſchs. er­ſchlache vnnd iſß nach demm ſe­gen deynes herren gotz das er hatt gegeben ynn deynen ſtetten. es ſey dz es were vnreyn das iſt vermayliget vnnd kranck oder eyner dz iſt gantz vnnd on maſen. das do gezymbt zu opferen als die ſteyngeyß vnnd den hirſſen das iſß on alleyn das eſſen des blutz das geuß auff dye erde als das waſſer. Du magſt nit eſſen ynn deynen ſtetten den zehenden der fru­cht. vnnd des weyns vnnd des oͤls dye erſtenn geburtd der ſchwaygen. vnnd der vih vnnd alle ding die du gelobteſt vnnd die du wilt opferen willigklichen. vnnd die erſtē dinng deyner hende. aber iſß ſy vor deynem