Transkription / 1 [327

Ioſue CI. Wann du wirſt taylen ditz land diſem volck mit loß vmb das ich geſch woren hab deinen vetern das ich ynne das gebe. Darummb ſtercke dich vnnd biß gar ſtarck. das du behüteſt vnnd thuſt alle dye ee dye dir mein knecht moyſes gebotte. Du ſolt dich nit naigen von ir zu der gerechten oder zu der gelincken das du vernembſt alle ding die du thuſt. Das buch der ce ſcheyd ſich nit von deym mund aber betracht yn im tag vnnd nacht das du behuͤteſt vnnd thueſt alle dinng die do ſeyn geſchriben yn ymm. Den wirſt du ſchicken deynēweg vnnd wirſt ſye verſten. Sich ich gebeut dir. ſterck dich vnd biß ſtarck. nit fürcht dir vnnd nit beſorg dich. wan̄ deyn herr got iſt mit dir yn allen dē dingen zu den du geeſt. Vnnd ioſue gebott den fürſten des volcks ſagend Geent durch die mitt der herbergen. vnd gebietent dem volck vnd ſprecht. Fruͦ bereyt euch die ſpeyß. wann nach dē dritten tag werdent ir durch geenden iordan. vnnd ir geet ein zu beſitzen das land. daß euch ewer herr wirt geben. Vnd ſprach zu den rube. nittern vnd zu den gaditern vn̄ zu dē halben geſchlechte manaſſe. Gedenc. kend des worts dz euch moyſes der knecht des herrē gebot. ſagend. Ewer herr gott gab euch die rwe. vnd alles land Ewer weyber vnd die ſun vn̄ die vih die werdē beleyben in dē land das euch moyſes hat geben ienhalb des iordans. aber ir ſuͤllend geen gewaffēt mit ſtarcker hand vor ewern bruͦdern. vnd ſtreyt vor ſie vntz das der herr gebe die rw ewern brudern als er auch euch hat gegeben. vnd dz auch ſie beſitzen das land dz in wirt geben ewer herr got vnd alſo widerkerent zu dē land ewer beſitzung vn̄ werdent wonē in im das euch moyſes der knecht des herrenn hat geben gegen dem auffgang der ſunnen ien halb des iordans. Vnd ſie antwurtten ioſue vnnd ſprachen. Wir wollen thun alle ding die du vns haſt gebo tten. vnnd wollen geen wohyn. du vns ſendeſt. als wir gehorſā waren moyſi in allen dingen alſo ſeyn wir auch dir gehorſam. alleyn d̓ herr got ſy mit dir. als er was mit moyſi. der do widerredet deynen mund vn̄ nit gehorſam iſt allen den worttē die du im gebuteſt d̓ ſterb des tods. Iedoch du ſterck dich vnnd thu menlich. Das ander Capitel wie ioſue zwen man ſendett dz land iericho zuerſpehen. vnd wie yne raab beholffē was. dz ſie wid̓ heym kame. Arumb ioſue der ſun nun ſandte heym lich vō ſethim zwen man ſpeher. vnnd ſprach zu yn. Gee vnd merck das land. vnd die ſtat iericho. Sye giengen in eyn hauß. eyns gemeynen weybs mit namē raab. vnd rwten bey ir. Vnd es ward verkundet dem kuͦnig iericho. vnd geſagt. Syh man̄. vonn den ſuͦnen iſrahel ſeyn eyngangē da her bey der nacht das ſie ſpehen das land. Vnnd der kuͤnig iericho ſandt zu raab d̓ gemeynen frawē. ſagend. Fuͤr herauß die man̄ die do ſein kume zu dir vn̄ ſein eyngangē in dein hauß. wann ſy ſeyn