Transkription / 1 [329

Ioſue C XI. Wann do ſye hetten geſucht durch alle die weg vnnd ſy nit funden. ſye giengen yn die ſtat. vnnd do ſye yn die ſtat kamen do kerten die ſpeherwi der vnnd ſtygen ab von dem berge vnnd kamen zu ioſue dem ſun nun ienhalb des iordans. vnnd verkunt ten ym alle ding die in warrn wider faren. vnnd ſprachen. der herr hat geantwurt alles das lannd yn vnſer hend. vnnd alle ſeyn einwoner ſeyn erſchlagen mit vorcht. Das drit. Capitel Wie ſich das volck bereitet zegeen vber den iordan. vnnd wie ſich das oberſt teyl des waſſers ſtēmet. vnnd der vnderſt teyl floß hynweg. Arumb Ioſue ſtund auff in der nacht er bewegt die herbergen vn̄ ſye giengen auß von ſethim vnnd kamen zu dem iordan. er vnnd alle die ſün iſrahel vnnd wonten do drey tag. do die vergiengen do giengē die ſchergen durch mitt der herbergn̄ vn̄ begunden zeruͤffen. So ir ſehen dye arch des gelübds euwers herren gotz vnnd ſye tragen die prieſter des leui tiſchen geſchlechtz. So ſullen ir mit einander auffſteen vnnd volgennd nach den vorgeenden. vnnd zwiſchē euch vnd der arch wirt eyn zil zweyer tauſent ellenbogen. das ir mügt ſe hen vonn verr vnnd erkennen durch welchen weg ir eingeet. wan̄ vor habt ir nit gegangen durch ynn vnd hütend das ir euch nit genahent zu der arch. vnnd ioſue ſprach zu dem volck. Werden geheiligt. wan̄ morgen wirt der herr wunder thun vnder euch. vn̄ ſprach zu dē prieſtern he bent auff die arch des gelübds vnd geet vor dem volck. ſye erfülten dye gebot vnd huben auff die arch vnd giengen vor dē volck. Vnnd d̓ herr ſprach zu ioſue Heut vah ich an dich zu erhoͤhen vor allem iſrahel das ſy wiſſen als ich was mitt moyſſe. alſo bin ich auch mit dir. Aber du ſolt ge pieten den prieſtern. die do tragen die arch des gelübds. vnnd ſprich zuyn ſo ir eingeennd eyn teyl des waſſers des iordans. ſteet ynn imm. Vnd ioſue ſprach zu den ſünen iſrahel. Genahent euch her. vnnd hoͤrent das wort euwers herren gotz. Vn̄ ſprach weyter. ynn dem werd ir wiſſen. das d̓ herr got lebend iſt yn mit euwer. vn̄ wirt zerſtrewen chananeum. vn̄ eueum. vnnd phereſeum. vnnd etheum vnnd gergeſeum. vnnd amorreum. vnnd gebuſeum. Secht die arch des gelübds des herren aller der erd. dye geet vor euch durch den iordan. Bereytet. xiſ. mann von den. viſ geſchlechten iſrahel. yegklich durch alle dy geſchlecht. Vnnd ſo die prieſter dye do tragen die arch des herren gotz. al ler der erd ſetzen die fußſtapfen irer fuß. ynn den waſſern des iordans. die waſſer die do ſeyn vnden. die zerlauf fen vnnd zergeen aber die do kumen von oben die ſteen yn einem weſen. Darumb das volck gieng auß von ſeyne tabernackeln dz es durchgieng den iordan. vnnd die prieſter dye do trugen die arch des geluͤbds. dy gien gen vor yn. Vnd ſy giengen yn den iordan vnd tunckten ire fuͦß ynn dem tayl des waſſers. wann der iordan het erfült die geſtat ſeyns fluß ynn d̓ zeyt des ſchnits vnd das waſſer dye uu