Transkription / 1 [403

leunig C X.VIIIIIII Der v nahennd iſt. Wann ſy haben auch zwenundzweintzig buchſtaben ynn dem don. aber doch mit andern zūgē oder virgeln. Auch dye ſamaritan ſchreybē dye fünff bücher moyſi mit ſo vil buchſtaben. yedoch haben ſye vnderſcheydung an der geſtalt vnnd an den virgeln. Das iſt aber war dz der geſchrifftweyß man eſ dras. vnd der lerer des geſetzes. nach dē als ihe ruſalem ward wider gebaut nach d̓ gefencknuß. vnnd auffgericht ward der tempel. vnder zorobabel. vand ander buchſtaben. der ſie nun brauchen. wann die ſelb ſorm der buchſtaben der ſamaritan. vnnd der hebreyſchen ſeyn geweſen vntz auff die zeyt. Auch ynn dem buͦch der zal hatt man die ſelbē rechnung. dar ynn man zeyget geyſtlich dye zal der leuiten. vnnd der prieſter vnnd den namen des herren tetragramaton. in ettlichen kriechiſchen buchſtabē. vntz auf diſen heutigen tag fundē wir offenbar mit alten buchſtaben. ſund̓ auch die pſalmen der ſechßunddreyſſigeeſt. vnnd der hunderteſt vnd v. vnd der hunderteſt. vnnd. vi. vnd der hunderteſt vnnd achtzehend. vnd der hū derteſt vn̄ vierund viertzigeſt. Wie woll ſy mit manigerley verß geſchriben werdenn. noch dan werden ſye mit den buchſtaben einer zal gewür cket. Vnnd die klagung hieremie vn̄ ſeyn gebet. vnd die ſprüch ſalomonis an dē ende. an der ſtat da er ſpricht. Wer mag findenn eyn ſtarckes weyb mit ſolichen buchſtaben. vnd mit ſoͤlicher merckunge wirt dz buch auch zu gerechent. Vnd das da mer iſt. es ſeyn fuͤnff buchſtaben bey den hebreyſchen die ſye zwifaltigen. caphnem. nun. phe. ſade. Durch dye fünff buch taben ſchreybē ſy anderſt ynn dem anfange des wortes. anderſt yn dem mittel. anderſt yn dem ende. Vnnd vmb das ſeyn fünff bücher. dye von etlichen zwiualtig geſchetzet ſeyn. ſamuel. malachim dabreya min. es dras. hreremias. mit eynoth. das iſt das buch der klagung hieremie. Gleycherweyß als zwenund zweintzig buchſtaben ſeyn durch dye wir ſchriben hebreiſch alles das wir reden vnder menſchlicher ſtymm. dy wirt begriffen mit iren anfengen. alſo werden auch zweyundzweintzig bücher gerechnet. mit welchen bucht ren. gleicher weiß als mit den bnchſtaben vnd anfengen die kindiſcheit eynes gerechten mannes ernert. als man erneret dye ſaugenden kynd/ leyn ynn der vnderweyſunng der lere gottes. Das erſt buch bey ynn. wirt geheyſſen breſith. vnnd das heyſſen wir geneſim. Das ander heyſſen ſye elleſmoth. vnnd das heyſſen wir ex odus. Das dritte vagecra. das iſt le uiticus. Das vierde vagedaber. das hyeß wir numeri. Das fünfft ellead dabarim. vnnd das nennen wir deuͦ tronomium. Das ſind die fünf bücher moyſi. die man eygentlich nennet thorat. das iſt alſuil geſprochen. als das geſetzt gottes. Dye ander or denung iſt die ſy machē. der propheten. Vnnd heben an vonn iheſu dez ſun naue der bey ynn wirdt genant ioſue bennun. Darnach würcken ſye darunder ſopthim. das iſt das buch der Richter. Vnnd ynn dye ſelben ordenunnge enttwerffen ſye Ruth. Darumb. wann ynn den tagen der chter ſagt man das ir hyſtori gechehen ſeye. Darnach volget das drytt buch. dz iſt ſamuel. dz wir heiſ