Transkription / 1 [495

D Runig CIIIIIIIIIIIII. Du haſt mir gegeben mein feind dy mich haßten zuͦ eynem ruͦck. vnnd ich zerſtrew ſie. Sye werden ſchreien vn̄ er wirt nit. der do behalt zuͦ dem her ren. vnnd er wirdt ſie nit hoͤren. Ich vertilg ſie. als das puluer der erd. vn̄ ich zermuͦl ſie. als das kot der gaſſen vnd zerkniſch ſie. du machſt mich be halten von den widerſagenden mei nes volcks. du behüteſt mich zuͦ einē haubt der voͤlcker. Das volck dz ich nit weyß dienet mir. dye frembden ſün widerſteen mir. ſye ſein gehorſaz mir in dem gehoͤr des ors. Die frem den ſün ſein hinab gefloſſen. vn̄ wer den zuͦſamen gezogen in iren engſtē Der herr lebt. vnd mein got iſt geſegent. vnd der ſtarck got meyns heyles wirt erhoͤht. O got du gibſt mir dye rach. vnd vnderlegſt dye voͤlcker vnder mich. Du füreſt mich auß vō meinen veynden. du hebſt mich auff von den dye mir widerſteen. vnd erloͤſet mich von dez boͤſen mann. herr darumb wird ich dir veriehen in den heyden. vnd ſing deim namen groß mechtigend das heil ſeynes kuͦnigs vnd dem thundem dy barmhertzig keyt dauid ſeinez geſalbten. vnd ſeinen ſamen ewigklich. Das XIIIIII. capitel Von des künigs dauid geſangk eynesteyls. vnd von dreyen den ſterckſteen. vnnd vonn den dingen dye ſye fruͤmcklichen. eynem yeden nach ſey ner ordinantz gethan haben. vn̄ wie dy philiſtiner beſtritten warden. Is ſein die let ſten wort dye dand der ſun yſat ſprach. Der man dem do iſt geſetzt von dem geſalbtē gotz iacob der fürnem lobſinger in iſrahel ſprach. Der geyſt des herren hat geredt durch mich. vnd ſein red durch mein zuͦngen. Er ſprach gott iſrahel hat geredt zuͦ mir. der ſtarck iſrahel. der herſcher der menſchen. der gerecht vn̄ der herſcher in der vorcht gottes. Er ſcheynet als das liecht d̓ morgenroͤtt. frü auffgeen on die wol cken. vnd als das kraut von den regen gronet von der erd. Noch mein hauß iſt ſo groß bey gott. das er eyn ging mit mir ein ewigs gelübd. vn̄ bewaret in allem ding. wann alles mein heil. vn̄ aller wil. Es iſt nichtz auß ir das nit grone Aber die überge er werden außgereüt. als die dorn dy do nit werden genomen in die hend Vnd ob ſie etlicher wil rüren d̓ wer de gewaffent mit eyſen. vnnd mit geſchwebeltem holtz. vnnd ſullen verbrant werden vntz zuͦ nicht angezuͦn det mit dem fewer. Diß ſein dye namen der ſtarcken dauid. Dauid ſaß auff dem ſtuͦl der weyſeſt fürſt vnd dreyen. Er iſt als das zarteſt wurm lein des holtzes. das do achthundert toͤdtet in eyner vngeſtuͦm. Nach dy ſem was Eleaſar der ſun ahoy ſeinſ vettern. vnder dreyen ſtarcken. dye do waren mit dauid. do dye philiſtiner leſterten vnd wurden do geſammelt in dē ſtreyt. Vnd do dye mann iſrahel waren auffgeſtygen. er ſtuͦnd vnnd ſchlüg dye philiſtiner. vntz das ir gewalt gebraſt. vnd erſchrecket ſy mit dem ſchwert. Vnd der herr tiet ein groſſes heyl an dem tag. vnd dz Hiiij