Transkription / 1 [496

Buch Das ander volck das do was geflohen keret wi der abzezyhen die rewb der erſchlagē Vnd nach diſem ſamaa. der ſun ag. ge von arari. vnd die philiſtinerwa ren geſamelt in dem ſtandt. Vnnd do was ein aeker vollinſen Vnd do das volrk was geflohen vor dem ātlitz der philiſtiner. er ſtuͦnd ynn mit des ackers vnd ſah in an. Vnnd ſch luͦg die philiſtiner vnd der herr thet ein groſſes heil. vnd auch vor ward abgeſtygen drey. dye do waren fürſten vnder dreyſſig. vnnd ſie kamen in dem zeyt des ſchnitz zuͦ dauid ynn dye gruͦb odollam. Aber die gezeldt der philiſtiner warē geſetzt in dē tal der riſen. vnd dauid was in der hut aber das heer der philiſtiner was in bethleem. Darumb dauid begeret waſſer von der gruͦb vn̄ ſprach. Dz mir yeman geb einen trunck waſſerſ von der ciſtern. die do iſt in bethleeꝫ bey dem thor. Darumb drey ſtarck mann eylten zuͦ dē gezelten der phili ſtiner. vnd ſchoͤpfften das waſſer vō der ciſtern. bethlehem. dye do was by dem tor. vnnd brachten es zuͦ dauid Vnd er wolt nit trincken aber er op fert es dem herren ſagend. Der herr ſey mir genedig das ich nitt thuͦ diß ding. wird ich dē das bluͦt diſer man die do gegangen ſein. vnd das verderben der ſelen trincken. Darumbe wolt ir nit trincken. Diſe ding thetē dye drey ſterckiſten mann. Auch abi ſai der bruͦder ioab der ſun ſaruie. wz eyn fürſt vonn dreyen. Der iſt. der do huͦb auff ſein ſper wider dreihundert. die er erſchluͦg. Er was genennet in dreyen. vnnd der edler vnder dreyen. vnd was ir ſürſt. vnnd er fuͤrkam nit vntz zuͦ dem erſten dreyen. Vnd banaias der ſun ioiade deſ ſter ckiſten mans. groſſer werck von cap ſeel. Der ſchlug zwen lewen moab. vnd er ſtyg ab. vnd ſchluͦg einen lewen mitten in der ciſtern in den tagen des ſchnees. Vnd erſchluͦg auch den man egiptier. der do wz wol an zeſehen habend ein ſper in der hand Vnd do er wz abgeſtigen zuͦ im mit der ruͦte. mit gewalt nam er das ſper von der hand des egiptiers. vnnd er ſchluͦg in mit ſeim ſper. Diß thet ba naiaſ der ſun ioiade. Vnnd er ward genandt vnder drey ſtarcken. dye da waren dye edelſten vnder dreyſſig. yedoch er fürkam nicht vntz zuͦ dreie Vnnd dauid macht einen ratgeben der heymlichen ding. Aſaheld bruͦd ioab vnder dreyſſig. Eleanam der ſun ſeins vettern̄ von bethleem. Sēma von arari. elicha von arodi. helan von falti. hira der ſun acces von thecua abiezer von anathot. mobonnai von vſathi. ſelmō achoittes macharai der net hoffatitter. heleff der ſun banaa. vnnd er ſelb ein nethofatitter. ithai der ſun ribai von gebeeth der ſun beniamin. banai der pharatoniter. hellda von dem bach gaas. abialbon der arabitter. aſmaueth vonn beroni. eliaba von ſalboni. Die ſün iaſſen. Ionathan ſemma von orodi haiam d̓ ſun ſarar der arothiter Eli phelech der ſun aaſbai des ſun maachathi. heliam der ſun achithophel der gilonitter. eſrat von carmelo. pha rai von arbi. igaal der ſun nathā vō ſoba. bonni von gaddi. ſelech vonn ammoni. naarat der berothitter der wepner ioab des ſuns ſaruie. hira d̓ ihetritter gareb vnd er iſt auch ein ihe tritter. vrias. der etheer alle die waren ſiben vnd dreyſſig.