Seite
dryt Buch Das über iheruſalem das er ſiē vertilget d̓ herr erbarmbd ſich über ſein zwāg ſal. vnnd ſprach zu dem engel der do ſchluͦg das volck. Enthalt dein hād es iſt nuͦn genuͦg. vnd do der engel des herren was bey dez acker areuna thebuſei. Vnd dauid ſprach zuͦ dem herren da er hett geſehen den engel ſchlahend das volck. Ich bin der ich hab geſuͦndet. vnnd ich hab gethan boͤßlich. was haben diſe gethan. dye do ſein als die ſchaff Ich bit dein hād werd gekeret über mich. vn̄ wider dz hauß meines vatters. Vnd ann dez tag. gad kam zuͦ dauid vnd ſprach zuͦ im. Dauid nuͦn ſteygauff vnnd mach einen altar deym herren in dez acker areuna gebuſet. Vnnd dauid ſtygauf nach dē wort gad das im d̓ herre hett gebotten. Vnnd areuna ſchaut vnd betracht in dem gemüt­den künig. vnd ſein knecht. das ſye kamen zuͦ im. vnd er gieng auß vn̄ anbet den kuͦnig mit geneigteꝫ ant­litz auff dye erde. Vnnd ſprach was ſach iſt das. das mein herr der künig kuͦmt zuͦ ſeinē knecht. Dauid ſprach zuͦ im dz ich kauff vō dir dē acker. vn̄ baw einen altar dem herren. vnd dye erſchlahung die do wirt gethan vnd dem volck die hoͤrt auff. Vnd areu­na ſprach zuͦ dauid. Meyn herre der künig nem vnd opffer als es im ge­ual. Du haſt ochſſen zü dez gantzen opffer. vnd eynen wagen vnnd dye ioch der ochſſen zuͦ dem braüch der hoͤltzer. Alle ding gab areuna dem knnig. Vnnd areuna ſprach zuͦ dez kuͦ nig. Dein herre gott enpfeht dein ge lübd. Der kung antwurt im vnd ſprach. Mitnicht als du wilt. aber ich wil in von dir kauffen. vmb den werdt. vnnd wil nicht opffern gott meynem herren. die opfer vmb ſunſt oder on den werde. Darumb dauid kaufft den acker. vn̄ die ochſſen vmb funfftzig ſickel. des ſilbers. vnd da­uid baute do einen altar dem herren vnd opffert die gantzen opffer. vnd dye frydſamen. Vnd der herr erbar­met ſich des landes. vnnd dye plag ward abgethan von iſrahel. Hye hat ein end d­ander buͦch der künig. Vnnd hebt an das dritt buͦch der künig. Das erſt. Capitel Von dez alter dauids vnd abyſaag vnd wie adouia ſich des künigreichſ vnd derſtünd. vnd von dem rat des propheten nathan den er berſabee irs ſuns ſalomonis halben gab. Vn̄ wie ſalomon zü künig geſalbet war de. lend da uid der künig eraltet. vn̄ het vil tag des alters. vn̄ ſo er ward be­decket mit den gewanden er erwarmet nitt. darumb ſeyn knecht ſprachen zuͦ im. wir ſullen ſuͦchen vn̄ ſerm herren dem kuͦnig eyn iunge iungfrawen. das ſie ſtee vor dem kü nig vnd frißte in. vnd ſchlaff in ſey­ner ſchoß. vnd werm vnſern herren den künig. Darumb ſie ſuchten eyn ſchoͤne iungligin in allen endē iſra­hel. vnnd ſie funden abiſſag eyn ſu­namitin. vnnd zuͦfürten ſye dem künig. Vnnd dye dyernwas gar