Transkription / 1 [499

Der Runig CXI.VI ſchon. vnnd ſchlieff bey dem künig vnd dienet im Aber der künig erken net ſie nitt. Vnnd adonias der ſun agith ward erhaben ſagēd. Ich wil regiren. Vnnd er machet im wegen vnnd reitter. vnnd funfftzig mann dye do lieffen vor im. Noch ſeyn vat ter ſtraffet in etwann. ſagend. War umb haſtu diß gethan. Vnnd auch er ſelb was gar ſchon. der ander ynn der geburt nach abſalon. Vnd ſeyn wort was mit ioab dem ſun ſaruie vnnd mit abiathar dem pryeſter. dye huͦlffen den teylen adonie. Aber ſadoch der priſter vnd banaias der ſun ioade. vnnd nathan der weyſſag. vnd ſemei cerethi. vnnd pheleti. vnd dye ſterck des heers dauid was nitt mit adonia. Darumb adonias erſchluͦg wider vnd kelber. vnnd alle veyßte thier bey dem ſteyn. ſoeleth d̓ do was nahend dem brunnen rogel Er berüfft all ſein brüder die ſün deſ kuͦniges. vnnd alle mann iuda dye knecht des küniges. aber nathan dē weiſſagen. vnd banaiam vnnd etlich ſtarck. vnnd auch ſalomon ſeyn bruͦder vorderet er nicht. Darūb nathan ſprach zuͦ berſabee der mütter ſalomonis haſtu nit gehoͤret dz ado nias der ſun agith regirt. vnd vnſer herr dand weyß das nitt. Darumb nuͦn kuͦm nim den rat von mir. vn̄ mach behalten dein ſeel. vnd die ſeel ſalomonis deines ſuns. Gee vnnd gee ein zuͦ dem kuͦnig dauid vnd ſprich zuͦ im. O mein herr künig haſt du mir nit geſchworen deiner diern ſagend. das ſalomon dein ſun ſüll regiren nach mir. vnnd der ſol ſitzen auff dem ſal. Darumb warumb regiret adonias. Vnnd noch ſo du da redeſt mit dem künig. ſo wil ich kuͦmen nach dir. vnd wil volfüren dey ne wort. Darumb berſabee gieng ein zuͦ dē künig in die kamer. Wan̄ der künig eraltet ſere. vnd abiſſag dy ſunamitin dienet im. Berſabee neyget ſich. vnnd anbett den kuͦnig. der künig ſprach zuͦ ir was wiltu. Sye antwurt vnnd ſprach. O meyn herr kuͦnig haſtn nit geſchworen deyner diern bey deynem herren got ſalomon dein ſun ſüll regiren nach mir vnd er werd ſitzen auff meynen ſal. vnd ſih nuͦn regiret adonias. das du mein herr künig nit weyßt. Er hatt getoͤdtet ſchaff vnd die veyßten tyer vnnd auch manig wider. vnnd hatt berüffet alle ſün des künigs. vnnd abiathar dē pryſter. vnnd ioab den fürſten der ritterſchafft. vnnd ſalomon deinen ſun hat er nit geuorderet. iedoch mein herr kuͤnig nuͦn ſcha wen in dich die augen alles iſrahel Meyn herr künig das du in zeygeſt wer do ſull ſitzen nach dir auff deynē ſal. Vnnd es geſchicht ſo mein herr der künig ſtirbt mit ſeynen vettern ich vnd mein ſun ſalomon. das wir werden ſuͤnder. Noch do ſy redt mit dem kuͤnig ſeht nathan der weyſſag kam. Vnd ſye verkündten im ſagēd Nathan. der prophet iſt da. vnd do er was eingegangen in dem angeſicht des kuͦnigs. vnd het in angebet geneigt auff die erd. Nathan ſprach Mein herr künig haſtu geſprochen. adonias ſul regirē nach mir. vn̄ der wirt ſitzen auff meinen thron. Wan̄ er iſt heut abgeſtigen. vnnd hait ge toͤdtet ochſſen. vnd dye veyßten tyer vnd manig wider vnd hat geuordert alle ſün des küniges vn̄ die für ſtē des heers. vn̄ abiathar dē pryſter vnd ſie eſſen vnnd trincken vor ym