Transkription / 1 [589

Runig CC IIIIIII. Der babilon. Vnnd die erin hefen. vnnd die waſchueſſer vnd die tigele vnnd dye morſſer vnd dy kreul vnd kopſ vnnd alle erin vaß. in den ſy dienttē namen ſy. vnnd auch die rauchuaß. vnd die trinckuaß. die do waren gul din vnd ſilbrin nam der fürſt der rit terſchafft. das iſt zwu ſeul vnnd das erin meer. vnnd dy ding dye ſalomo machte in dem tempel des herrn. Dz gewicht des eres aller was nit. Vnd eyn ſeulhett.xviiſ. elnbogen an der hoͤh vnnd ein erin haubtdeck auff ir dreyer daumen hoh vnnd ein netzlein vnd granatoͤpfel auff der haubtdeck der ſeule alle erin der gleichen ziere hette auch die ander ſeul. Vnnd alle diſe ding naz der fuͤrſt der ritterſchaft Vnnd der fürſt der ritteſchafft nam auch ſaraiam dem erſtenn prieſter vnd ſaphoniam den andern prieſter vnnd drey torwetel. vnd einen keuſchen vō der ſtat der do was eyn pfle ger vber dy ſtreybern man vn̄ fünf man. von den die do ſtunden vor dē künig die er vand in der ſtat. vnnd ſopher den fürſtenn des heers der do bewert die newen ritter. vō dē volck des landes. vnd ſechs mann auß dez volck die do wurden erſünden in der ſtatt. Diſe nam nabuzardan d̓ fuͤrſt der ritter. vnnd fürt ſy in reblata. zu dem künig der babilonier vnnd der kuͤnig der babilonier ſchlug vnd erſchlugg ſye in reblata in dem land emath. Vnnd iuda ward gebracht von ſeyn land. Aber dem volck das do was gelaſſen in dem land iuda. das nabuchodonoſor der künig der babilonier hett gelaſſen fürſetzett er godoliam den ſun aicham des ſuns ſaphann. Do das hetten gehoͤrt alle hertzogē der rytter. Sy vnd die man die bey in waren das der künig der babilonier hett geſetzet godoliam. do komen zu godoliam in maſpha yſmahel der ſun nathanie. vnnd iohannam der ſun charee. vnd ſaraya der ſnu thanameth netophatittes vn̄ yezonias der ſun maachiti ſy ſelb vn̄ ir geſellen. Vnud godolias ſchwur in. vnd ſeinen geſellen. ſagend. Nitt woͤlt fürchten zudienen denchaldee/ ren. Beleibet in dem lande. vnd die net dem künig der babilonier. vnnd ewch wirt wol. Vnnd es geſchach in dem ſibenden monet yſmael der ſun nathanie des ſuns heliſama von kü niglichem ſamen kam vnnd zehen mann mit im. vnd ſchlugen godoliam. vnd er ſtarbe. ſünder auch dye iuden vnd die chaldeer dy do waren mit im in maſpha Vnnd alles volck ſtund auff von dem kleynen vntz an den groſſen. vnnd die fürſten der ritterſchafft kamen in egipt. vnd vorch ten dy chaldeer. Vnnd es geſach an dem.xxxvii. iar des vber gangs loachim des künigs iude in dem. xil. mo net an dē. vn. tag des monetz euilmerodach der künig der babilonier hubauff das haubt ioachim des künigs iuda vom kercker in dem iare do er anfienge zuregieren vnd er redt zu ym fenfftlich. vnnd ſetzet ſeynen thron vber den thron der künig. dy mit im warē in babilon. vn̄ verwadelt ſein gewād die er het in dē kerker vn̄ aſſz dz brot zu allen zeytē in ſeynem angeſicht alle tag ſeins lebens vnnd ſatzt vnnd beſtelt im auch dy die narunng on vnderlas dye warden auchgegebenn vom künig durch eynen yegklichen tag. alle dye tag ſeins lebens. O iii