Seite
Eſore CIIIIII lender. Da ſie hetten geeſſen vnd ge truncken. vn̄ wurden geſettiget. ſie kerten wider. Da gieng auff darius der kuͤnig in ſeiner kamer. vn̄ ſchlief vn̄ ward erweckt. Da ſprachen dye drey iuͤngling huͦter des leybs. dye da behuͤten den leyb des kuͤnigs. ey­ner zuͦ dē andern. Vnſer yegklicher ſag eyn rede die da fuͤrgeet od̓ uͤber­triffet. vnd des red. die da erſcheynet weyſer des andern. dez gybt darius der kuͦnig groſſe gab. Als bekleydet werden mit purpur. vn̄ zuͦ trincken auß den guldin vaſſen. vn̄ zuͦ ſchlaff fen auff dem gold. vnd den wagen mit dē guldin zaum. vnd ein ſeyden haube. vn̄ ein halßband vmb ſeynē halß. vnd er wirdt ſitzen an der an­dern ſtat von dario vmb ſein weyß heit. vnd wirt gehyeſſen ein gebor­ner frewnde darij. Da ſchryben ſye yegklicher ſeyne wort zeychenten es vnd legten es vnder das haubtküß ſin dari des künigs. vnnd ſprachen So der künig auffſteet. ſo gebē wir im vnſer ſchrifft. vnd was dings d̓ künig vrteylet auß den dreyen. vnd die meyſterſchafft d̓ perſier des wort iſt das weyſeſt. dem wirdt gegeben der ſyg als geſchryben iſt. Der eyn ſchrib. Der weyn iſt ſtarck. Der and̓ ſchrib Der künig iſt ſtercker. der drit ſchryb. Dye weyb ſein noch ſtercker. aber dye warheyt überwindet alle ding. Vnd da der künig was aufge ſtanden. ſie namen ir geſchrifft. vnd gaben im die. vnnd er laß. Er ſante vnd voderet alle meyſterſchafft der perſeer. vn̄ der medier. vnd die edlen vnd die fürgeſatzten. vn̄ die richter. vn̄ ſie ſaſſen im ratt. vn̄ dy geſchrift wurdē geleſen vor in. Vn̄ er ſprach zuͦ in. Vordert die iuͤngling. vnd ſy eroͤffen ire wort Vnnd ſy wurden ge uordert vn̄ giengē ein. Vn̄ er ſprach zuͦ in. Saget vns von den dingen. die da ſein geſchriben. Vnd der erſt. der da hett geſchriben vō der ſtercke des weyns fiengan. vn̄ ſprach. O ir mann. wie überwindt der wein alle lewt die in trincken. Er verfüret dz gemüt. Er machet eytel das gemüt des kuͤnigs. vnd des wayſen. Auch des knechts vnnd des freyen. des ar­men vnd des reychen vn̄ er keret ein iegklich gemüt in ſicherheit. vnd in freude. Vn̄ gedencket nit aller trau rigkeyt vnnd ſchulde. vnd machet er­ſam alle hertzen. er gedencket nit deſ künigs. noch der meyſterſchaffte. er machet reden alle ding nach dem ta lent. Vnnd ſo ſie trincken. ſie geden cken nitt der freuntſchafft. noch der bruͦderſchafft Aber nit vil darnach ſo nemen ſie die ſchwert. vnnd ſo ſie von dem wein truncken werdē. vnd auffſteen. So gedencken ſie nit was ſye gethan haben. O ir mann. über trifft nicht der wein wer gedenckt al ſo zuͦtuͦn. Vnd do er ditz het geſagt. er ſchwig. Das IIIIIIIIIIIII. capit. Vō der fuͤrgab des andern vn̄ drit­ten inglings. wie die warheyt das ſterckeſt gelobet ward vnd wie zoro babel darumb ſeyner bitte vom kü­nig geweret ward d der ander der da hette geſaget von d̓ ſtercke des künigs fien­