Seite
Buch Das dritt cyri des künigs. vnd ſye huͦben auff dz gebew durch zwey iar vntz zuͦ dē reyche darij Das.VII. capitel. Wie aggeus vnd zacharias weyß ſagten das gebew zuͦ iheruſalez wi­derfürgenomen ward. vnd wie da­rius ſchaffet das nit zuͦuerhindern. Ber in dez an dern iar des reichs darij. aggeus weyſſaget. vnd zacharias der ſun addo des weyſſa­gen bey iudeam vnd iheruſalem in dem namē des herren gottes iſraels uͤber ſye. Da ſtuͦnd zorobabel d̓ ſun ſalathiel. vnd ieſus der ſun ioſedech vnd begunden zebawen das hawß des herren. das da iſt in iheruſalem da in bey warn die prophetē des her ren vnd hulffen in. In den ſelbē zey ten kam zuͦ im ſiſſennes d̓ vnder kü­nig des landes ſyrie. vnd phenicis. vnd ſein landtherren vnnd ſeyn ge ſellen vnd ſprachen zuͦ in. Wer hatt euch gebotten das ir daſ hauß bawet vnd das dach vnnd das ander alles volbringt. Vn̄ welche ſeyn die baw er die das bawen. Vnd ſie hetten ge nad in der heymſuͦchung dye da wz worden uͤber ſy von vnſerm herren die alten iuden die da warn auß der gefengknuß. vnnd wurden nit gehin dert zubawen vntz biß ſy entbotten dez kuͤnig dario von allen diſen din gen. vnd wider antwurt genomen wurde. Die laut des brieffs der ſend geſchrifft. die ſy ſandten dz künig da rio. Syſſennes d̓ vnd̓ künig d̓ landt ſirie vnd phenicis. vnnd ſein landt herren̄. vnd ſein geſellen. in ſiria. vn̄ in phenice verweſer. Entbietten dē kuͤnig dario das heyl Alle ding ſein kund dem herren dem künig. Wan̄ da wir kamen in dz land iudee. vn̄ eingiengen in iheruſalem. Da fan­den wir bawen das groß hauß got­tes vnd den tempel auß groſſen bo lierten ſteynen vnnd von edlen din gen geleget in die wende. Vnnd die werck fürderlich vnnd fleyſſigklich geſchehen. vnd beholffen. vnd beglu ken in iren henden. vnnd in aller ere gar mitt groſſem fleyß volbringen Da frageten wir die elteſten. ſprech­end. Wer hatt euch erlaubet das ir bawet ditz hauß. vn̄ diſe werck grūt­feſtiget. Aber darūb fragten wir ſye dz wir ſy dir verkündtē. dye leut. vn̄ die proͤbſt. vnd die geſchrifften d̓ na men der proͤbſt vorderten wir vō in Vnd ſie antwurten vns ſprechend. Wir ſein knecht des herrē der da ge­machet hat himel vnd erde Vn̄ ditz was gebawen vor vil diſen iarē vō eym gar ſtarcken vn̄ groſſen künig iſrahel. vnd ward volbracht. Aber darumb das vnſer veter warn verir ret. vnnd ſundten in got iſrahel. der gab ſie in die hende nabuchodonſor des künigs babilon. des künigs des caldeyſchen landes. Die zerriſſen dz hauß. vnnd zündten das an. vnnd fürten das volck gefangen gen ba­bilon. In dem erſten iare als regie ret cyrus der kuͤnig vonn babilon. Schrib cyrus der kuͦnig zebawen dz hawß. Vnd die ſelben heyligen vaß die guldin vn̄ die ſilbrin die da auſ getragen het nabuchodonoſor. auß dem hauß das da iſt in iheruſalem. vnd weihet ſy in ſeinē tempel. Nun truͦg ſy wider herfuͤr der kuͦnig cirus