Seite
Buch Das dritt weyns vn̄ auch allerley ander ding überflüſſig on acht. Alle ding ſoͤllē geſchehen nach der ee gotz dem hoͤh­ſten got dz nicht villeicht erſtee ſein zorn in dē reich des künigs vn̄ ſeiner ſün. Aber euch ſagt man. das allen prieſtern vn̄ leuiten. vn̄ den ſingern von den dyenern des tempels vnnd dē ſchreibern deſſelben tempels kein zinß noch keynerley vngelt noch lo ſung werd auffgeſatzt. Noch niemāt hab keinerley gewalt ichtzit in für­zewerffen. Aber du eſdras nach der weyßheit gottes ſetz richter vnd rat geben über all in dez gantzen land ſyrie vnd phenice. Vnnd all dye da nit wiſſen die ee deines gottes. die le re ſy. Wieuil der ſelbē uͤbertrettē d ee fleyſſigklich ſoͤllen ſy werden ge­peyniget. Eintweder mit dem tode oder mit kreützigung. oder mitt be­ſchatzung des goldes. oder mitt ver ſendung. Vnd eßdras der ſchreyber ſprach Geſegent ſey der herre got vn̄ ſer vetter. d̓ da hat gegeben diſen wil len in das hertz des künigs zekleren ſein hauß das da iſt in iheruſallē. vn̄ hat mich geeret in dem angeſiht des kuͦnigs. vnd in dem angeſiht ſeyner ratleut. vnnd freund. vn̄ ſeiner edeln. vnnd ich bin worden ſtarcks gemü tes nach der hilff meynes herrē gots Vnd ich ſamelt auß iſrahel dy man̄ die mitt mir auffſtygen Vnnd das ſein die broͤbſt nach irer veterlendet vnd geteylte fürſtentumb dye mit mir auſſtygen von babilonia in dē reych artharderſis des kuͦnigs. Auß den ſünen phares. gerſonius Auß dē ſünen phinees. gerſonis Auß den ſü nen fiemarich. amenus. Der ſuͦn da uid. accus der ſun ſecelie. Vnd von den ſuͤnen phares. vnd zacharias vn̄ mit im kerten wider hundert vnnd fünfftzig mann Auß den ſünen des fürers moabilonis. zaraei. vnnd mit im zweyhundert vnd füntzig man̄. Auß den ſünen zachues iechonias. zechoeli. vnnd mitt in zweyhundert vnnd fünfftzig man̄. Auß den ſünen ſalamaaſias. gotholie. vnd mitt im ſibentzig man̄ Auß dē ſünē ſaphacie zarias. michaeli. vnd mit im achtzig mann. Auß den ſünen iob. abdias. ieheli. vnnd mitt im zweyhundert zwoͤlff mann. Auß den ſünē banye ſalimoth der ſun ioſaphie. vnd mitt im hundert vnd ſechtzig man̄. Auß den ſuͤnen beer. zacharias bebei. vnd mit in zweyhundert acht man̄. Auf den ſuͤnen ezead. iohan. acechan. vn̄ mit im hundert zehen mann. Auß den ſünen adonicham auß den letz ſteen. vnd ditz ſein ir namen. eliapha lam der ſun gebel. vnd ſemeias. vn̄ mit im ſibentzig mann. Vnd ich ſa­melt ſie zuͦ dē flußs der da iſt geheyſ­ſen thia. vnnd mechati. da waren wir drey tag. vnd ich erkannt ſy. Vnnd vand da nit auß den ſünen der prie­ſter vnd der leuiten. Vnd ich ſandt zuͦ eleazarum. vnd zuͦ eccelon. vnd zuͦ maſmā. vn̄ malobā. vn̄ enaatan vn̄ ſamea. vn̄ ioribū nathā enuagā zachariā vn̄ moſollamū dē fürer vn̄ gelerten. Vn̄ ſprach zuͦ in. das ſie koͤ men zuͦ luddeum der da was bey d̓ ſtat der ſchatzkamer. Vnd gebot in das ſie ſagten luddeo. vn̄ ſeinen brü dern vnd den dy da warn in d̓ ſchatz kamer. dz ſie vns ſanten die da brau chten die prieſterſchafft in dem hauß vnſers gotz. Vnd ſie zuͦfürten vns nach der krefftigen hand vnſers her ren gots gelert man̄ auß den ſuͤnen mooli. Die ſün leui. dye ſuͤn iſrahel