Seite
Buch Das dritt ereten das volck. vn̄ den tempel des herren. Vnd da das volbracht war­de. da giengē zuͦ mir die broͤbſt ſpre­chend. Ab das geſchlecht iſrahel. vn̄ die fürſten. vnnd die prieſter. vnd dye leuiten. vnnd die frembden. vnd dye heyden. vnnd die geſchlecht der erden haben nit abgelegt ir vnreynnigkeyt von den chanaeern. vnnd von den etheern vnd von den phereſeern. vn̄ von den iebuſeern vnd von den eg ptiern. vnd von den moabittern. vn̄ von den ydumeern. Vnnd ſy ſeyn zuͦ gefüget iren toͤchtern. ſy vnd ir ſün vnd iſt vermiſchet der heylig ſamen mit den außlendigen frembden hey den der erden. vnnd waren teylhaff tig die broͤbſt. vnd die meyſterſchaft diſer ſünden von anfang des reychs Vnd zuͦhand da ich hoͤret diſe ding da zerriß ich mein gewand vnd den heyligen rock. rauffend auß meyn har des haubts vn̄ meinen bart. vn̄ ſaß klagend vnd traurend. Vnd ka men zuſamen wieuil dann wurden beweget in dem wort vnſers herren gottes iſrahel zuͦ mir weynenden uͤber die ſünde. vnnd ich ſaß traurig vntz biß zuͦ dez opffer der veſper. vn̄ ſtuͦnd auff von der vaſten. vnd hett zerriſſens gewand. vnd den heyligē rock knyend vnd auffreckend mein hende zuͦ vnſerm herren vnd ſprach Herre ich bin geſchendet. vn̄ bin ver ſchmeht vor deinem amplick. Wan̄ vnſer ſünd ſeyn gemeret auff vnſer haubt. vnnd vnſer miſſetat ſeyn er hoͤhet vntz biß in den himel. wann von den zeyten vnſer veter ſein wir in groſſen ſuͤnden. vntz biß zuͦ diſem tag. Vn̄ vmb die ſünde vnſer vetter ſein wir gegebē mit vnſern brüdern vnnd mit vnſern prieſtern. vnnd den künigen der erde. in das ſchwert. vn̄ in gefengknuß. vn̄ zuͦ der beraubūg mit ſcham. vntz an diſen tag. Vnnd o mein herre gott. wieuil iſt die er­bermbde dye vns geſchiht von dir. vns zelaſſen die wurtzel vnnd den na men in die ſtat deiner heyligkeyt. ze bedecken vnſer liechte in dem hawß vnſers gots. vnd zegeben die ſpeyß in aller zeyt vnſers deynſts. Vn̄ da wir dienten. wir wurden nit verlaß ſen von vnſerm herren gott. Aber er ſetzet vns in genade. vnd ſetzet vns die kuͤnig der perſeer zegebē dy ſpeiß vnd zeclarificiern den tempel vn­ſers herren gottes. vnd zebawen dye wuͤſtungen ſyon. vns zegeben dye ſtettigkeit in iudea. vnnd iheruſalem Vnd o herre was haben wir nun ze ſagen. die wir haben diſe ding. wan̄ wir haben übergangen deine gebot die du haſt gegeben in die hende dey ner kinder der propheten ſagēd. wan̄ die erde die ir ſeyt eingegangen zebe ſitzen iren erbteylt. iſt vermayliget mitt vermayligung der frembden der erde. Vnnd der ſelben vnreynig keyt haben ſye es erfüllet mitt aller irer vnreynnigkeyt. Vnnd nun geme­helt nicht ewer toͤchter iren ſünen. vnd ir toͤchter nemet ewern ſünen. vnnd fraget nit fryd zuͦhaben mit in einer yegklichen zeyt. das ir geluͦck­ſamet eſſende dye beſten ding der er­de. vnnd teylet das erb ewern ſünen vntz ewigklich. Vnnd die ding dye vns geſchehen. dye geſchehen alle vmb vnſer boßhafftige werck. vnnd vmb vnſer groſſe ſuͤnd. Vnnd haſt vns gegeben ein ſoͤlichs wurtzlen. vnd anderweyd ſeyn wir widerkert