Seite
Thobie oder herren in dē hertzen. vn̄ huͦtt das du etwen icht verhengeſt der ſünde. vn̄ laſſeſt vnderwegē dye gebot vnſers gottes Thuͦ die almuͦſen auß deinē guͦt vnd ſolt nicht abkeren dein ant litz vō keinē armen. Wan̄ alſo wirt es gethan. das dz antlitz des herren nit wirt abgekert vō dir. Biß barm hertzig. Alſouil du muͦgeſt. Ob dir wirt vill. ſo gibe uͤberflüſſigklich. vn̄ ob dir wenig wirt. ſo lerne auch das du ein wenig gern mitteyleſt Wan̄ du ſamelſt dir eynen guͦten lon an dem tag der notturfft wan̄ dz almuͦ ſen erloͤſet vō aller ſuͤnde vn̄ vō dez tod. vnd lydet nit das die ſeel gee in die vinſter. Das almuͦſen wirdt eyn groſſer troſt vor dē hoͤhſten got. allē den die es tuͦn O meyn ſun vernime dich vnd enthalt dich vor einer yeg klichen vnkeuſch. vnnd nit erlyde zu wiſſen einich ſünde on dein haußfra wen. Laß die hohfart nymer herſchē in deinē ſin̄. oder in deinē wort. wan̄ in ir hat genomen anfang alle ver damnuß. Wer dir etwas werckt zuͦ hand gib im ſeinē lone. vnd der lon deynes loͤners beleybe gantz nicht bey dir. Was du haſſeſt dz dir werd gethan vō einē andern. ſih dz du es villeicht etwan̄ nicht thuͦſt einē an­dern. Iſſe dein brot mit den hunge rigen vn̄ mit den durſtigē. vn̄ bede­cke dye nackenden vō deinē gewan­den. Setz dein brot. vn̄ deinen wein auff dy begrebnuß des gerechten vn̄ nit woͤlleſt eſſen vnnd trinckē auß im mit den ſündern. Zuͦ allen zeytē ſuͦch den rat vō dez weyſen Geſegen got in einer yegklichē zyt. vn̄ heyſch vō im dz er ſchicke dein weg vn̄ alle dein rat ſoͤllē belyben in im. O mein ſun Ich ſag dir auch das ich hab ge geben zehen talent des ſilbers noch do du wareſt ein kind gabelo in ra­ges in d̓ ſtat der medier. vn̄ ich hab ſein handtſchrifft bey mir. Vnd dar umb ſuͦch in welcherweyß du kūpſt zuͦ im. vn̄ empfaheſt vō im dz oben­uermelt gewicht des ſilbers. vnd ge beſt im wider ſeyn handtſchrifft. O mein ſun nicht woͤlleſt dir fuͤrchten wir füren ein armes lebē. Aber wir werden haben vil guͦte ding ob wir got fürchten. vnd ſcheyden vns vō aller ſünde vnd thuͦen wol Das.V. Capitel. Wie thobias ſeinen ſun ſendet das gelt von gabelo zuͦ bringen. vn̄ wie ſich raphael der engel im offenbaret vnd im den weg leytet A antwurt to d bias ſeinem vater. vnnd ſprach. O vater. Ich wil thuͦn̄ alle ding. Dye du mir haſt gebotten. Aber ich weyß nit wie ich ſoll ſuͦchen ditz guͦt Er weyß meyn nichte. Vnnd ich weyß in nichte. Was zeichens gib ich im Nun hab ich auch nie erkennet den weg durch den man geet dabyn. Da antwurt im ſein vater. vnnd ſprach. Ich hab ſein handtſchrifft bey mir. vn̄ ſo du im ſy zeygeſt. zuhand widergybt er dir das guͦt. Aber nun gee vn̄ ſuͦche dir einen getrewen mann. der da gee mit dir vmb ſeinen lon. dz du es em pfaheſt. noch dye weil ich lebe. Da gieng Thobias auß er vand einen ſchynendē iüngling ſteen fuͤrbegürt vn̄ als bereytet zuͦgeen. Vn̄ er veßt nit dz es was der engel gots. er gruͤſ ſet in vn̄ ſprach. O guͦter iuͤngling. vō wan̄ biſt du. Vnd er antwurtet.