Seite
Buch Das Vō den ſünen iſrahel. Vn̄ thobias ſprach zuͦ im. Haſt du erkant dē weg der da fürt in die ſtat der medier Er antwurt im. Ich weyß in. vnd hab dick gegangen all ſein ſteyg. vn̄ ich beleib bey gabelum vnſerm bruͦder der da wonet in rages in der ſtat der medier. die da liget auff dem berg eg bathanis. thobias ſprach zuͦ im Ich bit das du dich enthalteſt biß dz ich diſe dinng verkuͦnde meinem vater. Da gieng thobias ein vn̄ verkuͦndt alle ding ſeinem vater. Vnd der va ter wundert ſich uͤber diſe dinng. er bat in das er eingieng zuͦ im Vnnd da er wz eingegangen zuͦ im. er grüſ ſeet in vnd ſprach. Freude ſey dir zuͦ allen zeyten. Vnnd thobias ſprach. Welche freude wirt mir der ich ſitze in der vinſter. vnd ſiht nit dz liecht des himels. Der iüngling ſprach zuͦ in. Byß ſtarckes gemüts. es iſt na­hend das du wirdeſt geſund vō got Vnnd thobias ſprach zuͦ im. Magſt du denn meinen ſun fuͦren zuͦ gabe­lum in rages in die ſtat der medier. Vn̄ ſo du widerkereſt. ich gib dir dei nen lon. Vn̄ der engel ſprach zuͦ im. Ich will in füren vn̄ herwiderfüren geſund zuͦ dir. thobias antwurt im. Ich bitt dich ſag mir. Vō welchem hauß. oder von welchem geſchlecht biſt du. Kaphael der engel ſprach zuͦ im. Suͦchſt du das geſchlecht des loͤ ners. oder in ſelb dē loͤner. der da gee mit deinē ſun Aber villeicht das ich dich nit gebe ſorgſam. Ich bin aza­rias der ſun des groſſen ananie. Vn̄ thobias antwurtet. Du biſt auß ei nem groͤſſen geſchlecht Aber ich bit­te. das du nit zürneſt. dz ich woͤlt er­kennen dein geſchlecht. Vnd der en­gel ſprache zuͦ im. Ich füer geſund deynen ſun. vn̄ widerfüer in geſund zuͦ dir. Vnnd thobias antwurt vnnd ſprach. Wandert wol. vnd der herr ſey in ewerm weg. vnd ſein engel ge ſelle ſich zuͦ euch. Vnnd da alle ding warn hereytet dy da waren notturf tig zetragen an dez wege. Thobias geſegent ſeinen vater vnd ſein muͦ­ter. Vnnd ſie giengen beyd mittein ander. Vnd da ſie waren hingegan gen Sein muͦter fiengan zuͦweynē vnnd ſprach. Du haſt hingenomen den ſtab vnſers alters. vnnd haſt in geſant von vns. Das das ſelb guͦt nie wer worden vmb das du in haſt geſandt. Vns het benüget vnſer ar muͦt. das wir das hetten die reych­tumb geſchetzet. das wir hetten geſe­hen vnſern ſun Vnd thobias ſprach zuͦ ir nicht woͤlleſt weynen. Vnſer ſun kumpt geſund. vnd widerkeret zuͦ vns geſund. vnd deine augen ſe­hen in. Wann ich gelaub das ſich d̓ guͦt engel gottes geſelle zuͦ im vnd orden wol alle ding dye da werden gethan bey im. alſo das er mit freu­den widerkere zuͦ vns Zuͦ der ſtund hoͤret auff ſein muͦter zuͦweynen vn̄ ſchwig. Das.VII. Capitel Wie der engel thobiam von dem viſch erloͤſet. vnd im ſeins ingewey des vnderrichtung gab. vnd wie er ſich gen ſeinem weyb halten ſolt.