Seite
Buch Das man̄ mit namen raguel d̓ nehſt vō deinē geſchlechte. vn̄ der hat ein toch ter mit namen ſara. er hat wed̓ kna ben noch toͤchter wan̄ on diſe allein Dir ſol alles ſein guͦt. vnd du muͦſt ſie nemen zuͦ einē weyb. Darūb hey ſche ſy von irē vatter. vnd er gibt ſie dir zuͦ einez weyb. Da antwurt tho­bias vnd ſprach. Ich hab gehoͤrt dz ſy iſt gegeben worden ſiben mannē vn̄ ſy ſein tod. Vn̄ ditz hab ich auch gehoͤrt das ſie der teufel hab erwür­get. Darumb ich fürcht dz villeicht auch mir icht geſchehe dz ſelb dinng Vn̄ ſo ich bin ein einiger meinē va­ter vnd muͦter. ich ſetze ir alter mitt traurigkeit zuͦ der hell. Da ſprach ra phael der engel zuͦ im. Hore mich. Vnd ich zeyge dir. wer die ſein. über die der teufel mag haben gewalt vn̄ ſagt. Das ſein die. die alſo empfahē die ee. das ſie gott außſchlagen von in. vn̄ von irē hertzen. vn̄ ſich fleyß­ſen irr vnkeuſch als das roß vn̄ das maul. den da nit iſt vernunfft. über die da hat gewalt der teüfel Aber ſo du ſy nimeſt. gee in die kamer ent­haltende dich von ir drey tag. vnd verbring kein and̓ ding mitt ir dan̄ allein das du betteſt. Vnd in der ſel ben nacht ſo zünd an dy leber des vii ſches. vnd der teufel wirt gefluͦchti­get. Aber an d̓ andern nacht. wirſt du zuͦgelaſſen in der zamenfügung der heiligen. Vn̄ an der drittē nacht begreyffeſt du den ſegen. dz ſün wer den geboren auß euch geſund Vnd ſo die dritt nacht vergeet. ſo nim dy iunckfrawen in der vorcht des her­ren. mer in der liebe der ſün. den̄ der begirde. das du in dem ſamen abbra­he begreyffeſt den ſegen der ſuͦn. Das.VII. capitel Wie thobias mit dem engel in ra guelis hawß kam. vn̄ inne vmb ſeyn tochter ſara bat. vn̄ wie er im dye zuͦ letzſt gab. vnd inen eyn kamer lyeß beryten. Vnd ſie gien gen ein zuͦ raguel. vn̄ ra guel empfieng ſye mitt freuden. Vnd da raguelanſah tho­biam. er ſprach zuͦ annā ſeiner hauß frawē. Wie geleich iſt der iuͤngling meiner ſchweſter ſun. Vn̄ da er ditz het geſaget. er ſprach. Ir iungling vn̄ vnſer brüder. vō wannen ſeit ir Vn̄ ſie ſprachen. Wir ſein auß dē ge ſchlecht neptalim. von der gefengk nuß niniue. Raguel ſprach zuͦ inn. Rennet ir thobiam meinen bruͦder Sy antwurten wir kennen in. Vn̄ da er redet manige guͦte ding von im der engel ſprach zuͦ raguel. Tho bias vō dez du frageſt iſt des vater. Vn̄ raguel lyeß ſich auff ſeinē halß vnd kußt in mit zehern Er weynet vn̄ ſprach. O mein ſun. dir ſey der ſe gen. wan̄ du biſt ein ſun des guͦten vn̄ beſten manns. Vnd anna ſeyn haußfraw. vn̄ ſara ir tochter weintē Wann darnach da ſy hettē geredet Raguel gebot zuͦtoͤdten einen wid̓ vn̄ zuͦbereyten ein wirtſchafft. Vn̄ da er ſy bat zuͦſitzē zuͦ dē morgēmal thobias ſprach Ich iſſe hie nit noch trinck heut. nür du beſtetteſt zum er ſten mein heyſchung. vnd gelobeſt mir zuͦgeben ſaram dein toͤchter. da raguel het gehoͤrt ditz wort. Er er­ſchrack. dann er weßt was dings da was geſchehen den ſiben mannē. die da ware eingegangen zuͦ ir vnd be­