Seite
Buch Das mit im dz ſie grüben ein grab. wan̄ er vorcht das in villeicht icht würd geſchehē zuͦgleicherweyß als den an dern ſiben. die da warn eingegangē zuͦ ir. Vn̄ da ſie hettē bereyt dz grab raguelkert wid zuͦ ſeiner haußfraw en. vn̄ ſprach zuͦ ir. Sende eine von deinē diernē. dz ſy beſeh ob er ſey tod dz ich in begrab ee dz er werd lyecht Vn̄ ſy ſandt eine von den diernen Vn̄ ſy giengē in die kamer. ſy fand ſy geſundt vn̄ vnbekrencket. ſchlaf fend mitteinander. Vn̄ ſie keret wid̓ vnd ſagt guͦte botſchafft. Vnnd ra­guel vn̄ anna ſein haußfraw. geſegē ten den herrē vn̄ ſprachē. O herr got iſrahel wir geſegen dich. das vns nit iſt geſchehen als wir weneten Wan̄ du haſt getā dein erbermd mit vns vn̄ haſt außgeſchloſſen von vns dē durchechtenden veind. wan̄ du haſt dich erbarmbt der zweyer einiger O mein herre heyß ſye dich voͤlligkli­cher ſegnen. vn̄ dir opfern dz opffer deins lobes vn̄ irer geſundtheit. dz die gemeinheit der leut erkennen dz du biſt allein got in allē lande. Vn̄ zehand gebot raguel ſeinē knechten das ſie fuͤlten die gruͦb die ſy hetten gemachet. ee das es liecht würde. vn̄ er ſprach zuͦ ſeinē weyb dz ſie machet ein wirtſchaft. vn̄ bereyttet all ding die da warn notturfftig zuͦ dez eſſen den geenden an dē weg. Vn̄ ſie hyeſ ſen abtoͤdten zwuͦ feyßt küe vn̄ vier wider. Vn̄ bereytten die wirtſchafft allen irē nachbawren. vn̄ allen iren freunden. Vn̄ raguel beſchwuͤr tho biam. das er belib bey im vierzehen tag Vn̄ raguel gab thobie dē halbē teyl von allen dingen die er beſaſſe vn̄ er machet diſe geſchrifft. das der ander halbteil. d̓ do über belib nach irē tod thobie gantz belibe Das III. Capitel Wie der engel vō thobias bette we gen gen rages gieng. das gelt von gabelo empfieng. vn̄ mit im zuͦ tho diam kam A vodert tho bias zuͦ im den engel den er wennet zeſein eine men­ſchen. Vn̄ ſprach zuͦ im Azaria bru der Ich bitt dz du hoͤreſt mein wort Ob ich mich ſelb dir antwurt zuͦ ey­nem knecht. ich wird nit mitwirdig deiner fürſicchtigkeit. iedoch ich bitt dich dz du dir nemeſt vih od̓ dy dien ſte vnd geeſt zuͦ gabelo in rages in dy ſtat der medier vn̄ gebeſt im ſein handtgeſchrifft. vn̄ nemſt vō im dz gelt vnd bitteſt in zuͦkumen zuͦ mei ner hohzeit. Wan̄ du ſelb weyſt das mein vater zelt die tag. vnd ob ich ſaume einē tag mer. ſeyn ſeel wirdt betrübet. Vn̄ du ſihſt dz mich ragu el hatt beſchworn. des eyde ich nitt mag verſchmehen. Da nam rapha­el vier von den knechten raguelis. vn̄ zwey kemeltyer. vn̄ gieng in ra­ges in die ſtatt der medier. vn̄ vand gabelū vn̄ gab im ſein handtſchrift vn̄ empfieng vō im alles gelt. Vn̄ er ſaget im vō thobia dē ſun thobie alle ding dy warn gethan vn̄ er ma chet dz er kam mit im zuͦ der hohzit Vn̄ da er was eingegangen in das hauß raguelis. er vand thobiam ſi­czen. Er ſprangauff vnd ſie kuͦßten einander. Vn̄ gabelus weynet vnd geſegent got vnd ſprach. Der herre got iſrael geſegen dich. wan̄ du biſt ein ſun des aller beſten manns. vn̄ des gerechten vnd des der da fürcht