Seite
Buch Das do d̓ derkerten ſy kamē an dez eylffttn tag zuͦ charram die da iſt in mitt des wegs gegen ni niue. Vnnd der engel ſprach. Tho­bia bruͦder du weyſt in welcherweiß du haſt gelaſſen deyn vater. Ob es dir geuelt. alſo das wir fuͤrgeen vn̄ die ingeſinde nachuolgen vnſerm wege mit ſenfftem gang mitſampt deiner haußfrawen. vnnd mit dez vii he. Vn̄ da ditz geuiel. das ſie giengē raphael ſprach zuͦ thobiaꝫ Nim mit dir vō der gallen des viſchs. wan̄ ſy wirt notturfftig. Darumb thobias nam vō der gallen vnd ſie giengen hin. Vnd anna ſaß teglich bey dem weg auff der hoͤhe des bergs. da von ſie mocht geſehen vō verr. Vnd da vō der ſelben ſtatt. ſie ſein zuͦkunfft vō verr. vnd zuͦhand erkant ſie zukumen iren ſun. ſy lieff vn̄ verkuͤndet irē man̄. ſagend Sih dein ſun kumpt. Vn̄ raphael ſprach zuͦ thobias. So du wirſt eingeen in dein hauß zuͦhandt anbet deinē her­ren got. vn̄ ſag im genade. vn̄ nahē dich zuͦ deinem vatter vnd küß in. Vn̄ zuͦhand ſalbe auff ſein augē vō der gallen des viſchs. dye du tregſt mit dir. wan̄ wiß dz zehandt werden auff getan ſeine augē vn̄ dein vater wirt ſehē dz liecht des himels. vn̄ fre wet ſih in deinē angeſiht. da fürlieff der hund d̓ mit im was geweſen an dē weg als ein bott. vnnd frewet ſich mitt der wadlung ſeynes ſchwantz Vnd der blind vater ſtuͦnd auff. er begund zelauffen vn̄ zeſtoſſen mitt