Transkription / 1 [753

hobie Iudich Coch IIIIIIIIIIII den füſſen. er gab die hand dez kind vn̄ lieff entgegen ſeinem ſun. er ent pfiēg in. vn̄ küſt in mit ſeiner hauß frawen. vnd ſie begunden beyde zeweynen vor freudē. Vn̄ da ſie hetten angebettet gott. vn̄ hettē geſaget. ſy ſaſſen zuͦſamē Da nam thobias vō der gallen des viſchs. er ſalbet dy au gen ſeynes vaters. Vn̄ er geduldet es ſchier ein halbe ſtūd. vn̄ ein weiß ſe als ein heutlein eins eys. begund außgeen von ſeinen augen. vnd zehand empfieng er die geſiht. Vnnd ſie lobten got. er vn̄ ſein haußfraw vnnd alle die die in erkanten. Vnnd thobias ſprach. O herre got iſrahel. ich geſegen dich wann du haſt mich gekeſtiget. vnd haſt mich behalten. Sih ich ſih thobiā meinen ſun. Vn̄ nach ſiben tagen. ſara das weyb ſei nes ſuns gieng eyn geſund. vnd al les ingeſinde. vn̄ vih. vnd die kemel tyer. vn̄ gar vil guͦtz des weybs. vn̄ auch das gelt das er hett empfangē von gabelo. Vnd er ſaget ſeinē vater vn̄ muͦter alle guͦttat gots. dye er het gethan bey im. durch dē man der in het gefüret. Vnnd achior. vnd nabath die ſchweſter ſun thobie. kamen frewend zuͦ thobiam. ſie frewte ſich mit im von allen guͦtten dingen die got het gethan bey im. Vnd ſie wirtſchafften mitt freuden durch ſiben tag. vnd wurden erfrewet mit groſſer frewde Das XIIII. capit. Wie thobias vnd ſein ſun das halb teil irs guͦts raphaeli wolten geben vnd wie er ſich offenbaret vnd von inne ſchyed A berufft tho bias ſeynē ſun vn̄ ſprach zuͦ im. Was mügen wir geben diſem heyligen mann. der da iſt kumē mit dir Thobias antwurt vn̄ ſprach zuͦ ſeinē vater Vater waſ lones geben wir im. oder was mag wirdig ſein ſeyner guͦttat. Er hatt mich geſundt gefüret vn̄ herwider. das gelt hat er genumen vō gabelo Er hat gethan das ich hab dz weyb vnd er vertrib den teufel von ir. Er macht frewde irez vater vnd muͦter Er erloͤſet mich von der verſchlickung des viſchs. vnd er machet dich geſehen das liecht des himels durch in ſeyn wir erfuͤlt mitt allen guͦten dingen. was muͦgen wir im geben wirdig zuͦ diſen dingen. Aber meyn vater. ich bitte dich das du in bitteſt ob er ſich villeicht wirdige. im zehaben den halben teyl von allen dingen. die da ſeyn gebracht. Vnnd ſye vorderten in. der vater vnd der ſun vnnd namen in an einen teyl. vnnd begunden in zebitten. das er geneme empfieng im zehaben den halbē teyl aller der dinng. die ſye hetten ge bracht. da ſprach er heymlich zuͦ in. Geſegent gott des himels. vnnd be kennet im vor allen lebendigē wan̄ er hat getā ſein erbermbde mit euch wan̄ güt iſt zuͦuerbergē dz heimlich ſacramēt des künigs Aber dy werck gottes zeoffenbaren vnnd zeueriehen iſt erſam. Guͦt iſt das gebet mit der vaſten. Vnd das almuͦſen mer Denn zeſameln dye ſchetz des goldes. Wann das almuͦſen erloͤßet von dem tode. Vnnd es iſt. das do reiniget die ſünde. vn̄ macht finden