Seite
hobie Uoſ cccce. e die gefangen. vn̄ das du dich frew­eſt in allen welten d̓ welt Du wirſt erſcheynen mitt dem ſcheynenden liecht. vnnd alle ende der erden wer den dich anbetten Die geſchlecht ku men voͤn verr zuͦ dir. ſie bringen ga ben. vnd anbetten den herren in dir vnd ſie werden haben deine land in heyligkeit. Wan̄ ſie werden anrüf­fen den groſſen namen in dir. Vnd die dich verſchmehen die werdē ver fluͦcht. dye dich verſpotten dye wer­den verdampt. vnd die dich bawen die werden geſegent. Aber du wirſt erfrewet in deinen ſuͤnen. Wan̄ all werden ſy geſegent vnd werden ge ſamelt zu dem herren. Sie ſein alle ſelig die dich liebhaben vnd ſich fre­wen über deinē frid. Mein ſele geſe­gen den herren. wan̄ der herre vnſer got hat. erloͤſet ſein ſtat iheruſalem vonn allen iren durchechtern. Ich wuͤrd ſelig. ob die beleybungen mei nes ſamens werden zeſehen die klar heit iheruſalem Die tor iheruſalem werden gebawen von ſaphir. vnnd ſchmaragd. vnd von dem edeln ge ſteyn aller vmbkreyß irer mauren. Von weyſſem ſteyn. vnnd von rey nen. vn̄ all ir gaſſen werden gepfla ſtert vn̄ durch ir ſtraßen wirt geſun gen alleluia. Geſegent ſey der herre. der hat erhoͤht. das ſein reych ſey in in den welten der welt amen Das XIIIIIIIIIIII. Capitel Von dem alter thobie. wie lang er blindt blib. Vnnd wie er ſeinen kin dern vō der vmbkerung niniue. vn̄ widerbawung des gelobten lands prophetiret ſo die wort thobie wurden volendt vnnd lebet zweyunduier tzig iar nach dem er ward erleuchtet vnd ſah dy ſun ſeiner enigklein. vn̄ do vergiengē hundert vn̄ zwey iar. er ward begraben erſamlich in ni­niue. Wann er was. lvj. ierig do er verlor das liecht der augen. vnnd. lx. ierig empfieng er es. Vnnd dye uͤbe rig zeytt ſeins lebens was in frew­den vn̄ gieng mit guͦter wachſung der vorcht gotes in dē frid Vn̄ zuͦ d̓ ſtūd ſeins tods rüft er zuͦ im thobiā ſeinē ſun. vn̄ die ſiben iüngling ſein ſuͤn ſeyn enicklein vnd ſprach zuͦ in Die verderbung niniue iſt nahend Wann das wort gottes irret nitt. Vnd vnſer brüder dy do ſein zerſtre wet von dem land iſrahel. keren wi der zuͦ im. Vnnd alles ir verwüſtes land wirt erfüllet. vn̄ dz hauß gotz dz da iſt angezündt in ir wirt da wi der gebawe. Vn̄ alle dye do fuͤrchtē den herren die keren wider Vnnd die heyden werden laſſen ir abgoͤtter. Vnd kumen in iheruſalem vn̄ wo­nen in ir. vnnd alle künig der erde werden ſich frewen in ir. vnd anbet ten den künig iſrahel. Darumb. O meyn ſün hoͤrt ewern vater. Dyent dem herren in der vorcht. vnd in der warheyt. vnd ſuͦcht das. das ir thuͦt die ding. die im ſein geuellig. Vnd gebiet ewern ſünen das ſie thuͦn dz recht. Vnnd geben die almuͦſen. dz ſye ſeyn gedencken gotz Vnnd geſe gen gott in eim iegklichen zeit in d̓ warheyt vnnd in aller ir krafft. Dar umb nu ir ſün hoͤret mich. vn̄ nicht woͤlt hye beleyben. Aber an welchē tag ir begrabet ewer muͦter. bei mir