Transkription / 1 [757

Iudith cci. Kred alſo arphar at der künig d̓ medier macht gehorſam vil voͤlcker ſeynez gebot. vnd er bawet dy gewaltigſtē ſtat diſe nant er egbathanis. vnd er machet ir maurē auß gefierten ſteynen vnd von gehawen in der hoͤh. lxx. ellenbogē. vn̄ in der weyte dreiſſig ellenbogen. Vnnd ſetzt ir thürn in der hoͤh hundert ellenbogen. aber ir ietwedere ſeyt geuiert. hielt in der weyt zweyntzig ſchuͦch. vnd er ſetzet ir tor in der hoͤh der tuͦrn. Vnd gloriet als ein gewaltiger. in dem gewalt ſeyns heers. vnd in der glort ſeiner wegen. Darumb in dez zwoͤlſ ten iar ſeins reichs. nabuchodono/ ſor der künig d̓ aſſirier. der do regieret in der groſſen ſtat niniue ſtreytt wider arphadat. vnd verhielt in in dem groſſen veld. das do iſt geheyß ſen ragan. bey eufraten vnd tigryn vnd iadaſon in dem veld erioch. des kuͦnigs elicorum. Da ward erhoͤhet das reych nabuchodonoſor. vn̄ ſein hertz was erhaben. Vnd er ſandte zuͦ allen den. die do wontē in cillcia vnd in damaſco. vnd an dem libano. vnnd zuͦ den lewten. dye do wa ren an dem berg carmelo. Vnnd ce dar. vnnd dye do wonten in galilea. in dem groſſen veld deſ drelon. vnd zuͦ allen den. die da warn in ſamaria. vnnd ienhalb des flußs des iordans vntz zuͦ iheruſalem vn̄ zuͦ allem land yeſſe. vntz dz man kūpt zuͦ den bergen der moren. Zuͦ diſen allen ſandte botten nabuchodonoſor der kuͤnig der aſſirier. dye widerſagten im all mit eym gemüt. vnd widerſandten dye boten leer vnnd verwurffen ſie on ere. Do ward nabuchodonoſor der künig vnwirdig wider alles land. er ſchwuͦr bei ſeim reych vnd bey ſeinem thron das er ſich woͤlt erweren. von allen den ge genten vnd von den geſchlechten. Das.IIIII. Capitel. Wie holofernes auff des kuͤnigs be uelh ein groß heer beſamelt. vn̄ mit dem außzohe. vnnd vil land vnnd ſtett erobert O dem dreize henden iar nabuchodonoſor des künigs. vnnd an dem zweyun dzweintzigſten tag des erſten monets ein wort ward in dem hauß nabuchodonoſor des künigs der aſſirier. das er ſich weeret. Vn̄ er vodert all merer der geburt vnnd all ſein ſtreytber hertzogen. vn̄ het mit in dy heimligkeit ſeins rats Vnnd ſagt das ſey ſein gedanck in im. das er machet vnderthan alles land ſeim gebott. Do er ditz hett ge ſaget. vnd do es allen geuiel. nabuchodonoſor der künig vodert holofernem dē fürſten ſeiner ritterſchaft vnnd ſprach zuͦ im Geeauß wider ein yegklich reich des vnd gangs d̓ ſun nen. Vnnd vorderlich wid̓ die. die do verſchmehtē mein gebot. Dein aug überſeh keim reich vn̄ mach mir ein yegklich feſte ſtat vnd̓than. Do rüf fet holofernes die hertzogen. vn̄ dye meiſterſchafft der krafft der aſſirier. Vnnd zelet die heerfart als im het