Transkription / 1 [794

Buch Das libkoſte mit diſen worten. heſter wz haſtu. Ich bin dein bruͦder. nit ſoͤlt du dir fürchten. Du ſtirbſt nit wan̄ dz geſetz iſt nit geſetzt vmb dich ſun der vmb all. Darumb nahne dich vnd rüre das cepter. Vnd da ſie wi der geſchwig. da nam er die gulden ruͦten. vnd legt ſy auff iren halß vn̄ küſte ſie. vnd ſprach. warumb redſt du nit mit mir. Sy antwurt. O her re ich hab dich geſehē. als den engel gots. vnnd meyn hertz iſt gantz betruͤbet vor vorcht deiner glori. wan̄ o herr du biſt gar wūderberlich. vn̄ dein antlltz iſt vol genaden. vn̄ da ſie redt ſie viel anderweyd vn̄ was nahend verſcheyden. Vnnd der künig ward betrübet. vnd all ſein die ner troͤſteten in. Dye meynung des ſendbriefs des künigs artharperſis. den er ſandt. vmb die iuden zuͦ allē landen ſeins reychs. vnd dye ſelben hat man nit in dez hebreyſchē buͦch. Das.VII. Capitel. Wie der brieff lautet. den der künig artharperſes ſendet zuͦwiderrüffūg der vorigen brieff. Er groſz lu nig artharderſes von in dia vntz zuͦ dē morenlād über hūdert vn̄ uͤber ſibenunzwein tzig lender ſaget den gruͦß den hertzogen. vnnd fuͤrſten die da gehorſas ſein vnſern gebietung. Vil habē die guͦtheit. vnnd ere der fürſten. dye in gelihen oder geben iſt. mißgebrauchet zuͦ der hohfart. vnnd nit allein arbeiten od üben ſich zuͦuerdrücken die vndertannen den künigen. ſund ſie haben auch nit muͦgen duldē dye ere. die in verlihen oder gebē ward. ſund̓ ſy haben heimlich veintſchaft geleget oder legen die wider die. dye in die ere gegebē haben. Noch auch ſein ſie benūgig dz ſie nit ſagē dackberkeit den guͦtteten vnd zerbrechen die recht der menſchlicheit in in ſelb Sunder auch ſie meinen. dz ſie mügen empfliehen das vrteyl gotes. d̓ do alle ding ſiht. vnd in ſoͤllich torheyt geuallen. das ſie ſich üben dye vmbzekeren. dye ire ampt die in beuolhen ſein fleyßlich halten. Vn̄ al ſo alle ding thuͦn das ſie alles lobs wirdig ſein mit dem hauffen irer lu geen. wan̄ ſie die einfeltigen oren der fürſten auß irer natur. dye andern ſchetzend mit liſtiger betrügnuß be triegen. Das ding auß den alten ge ſchihten wirt beweret. vnd auß den. die da teglich geſchehen. wie ſy mitt boͤſen reten boͤß machen die lere der künig. Noch ſoͤllet ir wenen das dz kumme auß leychtigkeit vnſers gemütes. das wir widerwertige oder vnderſchidenliche ding ſchaffen. Aber vmb bewegung vnnd notturfft der zyt. fellen wir das vrteyl als die notturffdt des gemeinen nütz ereyſchet. Vnd dz ir das oͤffen licher ver ſteet. das wir ſagen. aman der ſun amadathi von gemüt vnd geſchle cht ein macedonier vnd frembd vō dem bluͦt der perſeer. vnd vnſer guͦt tigkeit mit ſeinem grauſamen zorn vermayligend. iſt von vns auffgenomen ein bilgrem. vnd hat ſo vil in im erfaren menſchligkeit. das er ward genennet oder geheyſſen vnſer vater. vn̄ ward vor allen. der an der nach dem künig angebettet. der iſt in ſo groß geſchwellūg des über