Seite
buͦch. Das die capparis wirdt verwuͤſtet. Wan̄ der menſch geet in dz hauß ſeiner ewigkeyt. vnd ſÿ vmbge. en klagent in der ſtraſſe. Ee den̄ das ſilbrin ſeylein wirt zerriſſen. vnd widerlauff die guldin haub­vnd der kruͦg werde zerkniſchet auff dem brunnen. vnd das rade werd zerbrochen auff der ciſtern vnnd der ſtaub kerwider in ſein erd. von dann er was. vnnd der geyſt gee wider zuͦ got. der jn hat gegeben. Es iſt ein eytelkeyt der eytelkeyt ſprach eccleſiaſtes vnd alle ding ſind ein eytelkeyt. Vnd do eccleſiaſtes was der weyßeſt er lernet das volck. vnd verkün­det die ding die er thet. er erſuͦch et vnd ſaczt zuͦſamen manig ge­leichnuß er ſuͦchet nütze wort vn̄ ſchrib zeſamē die rechteſtē wort vnd wol der warheyt. Die wort der weyſen ſind als die engel. vn̄ als die nāgel gehefft in die hoͤhe die do ſind gegeben durch dē rat der meyſter vō eim hirten Mein ſun nicht ſuͦche fürbas mer diſen dingen. zemachen vil buͤcher iſt keyn end. vn̄ die emſſig betrach­tunge iſt ein zwangkſal des fley ſches. Alle ſüllen wir hoͤren zere den das end. Fürcht got vnnd be huͤt ſein gebot. Wan̄ diſes iſt ein yegklich menſch. vnnd alle ding die do werden gethan. die wortt gots zuͦfuͤren zuͦ dem gericht vm̄ ein yegklich jrrſal. es ſey dz guͦt. oder das übel. Das buͦch Eccleſiaſtes hatt ein ende. Vnd hebet an das buͦch canticacanticorū das iſt dz buͦch des lobgeſanges oder der liebha­benden ſele. Das erſt Capitel Von verſamlunge des geſpons. vnd der geſponſen. vnd von ſun derlichem lob der geſponſen. R küſſe mi­ch mitt dem kuſſe ſeines mūds. wān deyne brüſte ſeind beſſer. den d̓ wein wolſchmeck ent mit den beſten ſalben. dein na­me iſt ein außgegoſſens oͤl. dar­umbe die jungen toͤchter hetten dich lieb. Zeühe mich nach dir. Wir kauffen in dem geſchmacke demer ſalbē. Der künig fuͤret mi ch ein in ſeinen keller. Wir freü­en vns auch vnd werden erfreü­et in dir. wir gedencken auch dey­ner brüſt über den wein Die rech ten haben dich liebe. Ich bin ſch­wartz. aber hübſch jr toͤchter jhe ruſalem. als die tabernackel ce­dar als die fele ſalomonis. Nitt woͤlte mich mercken. das ich bin ſchwartz. wann die ſunn hat mi­ch entferbet. Die ſün meiner muͦ­ter ſtritten wider mich. ſÿ ſacztē mich zuͦ einem huͤter in den wein garten. Ich behuͤte nicht meinen weyngarten. Zeyge mir den. der do liebhat mein ſel. wo weydeſtu wo ruͦeſt du in mittemtage. das ich nit anfahe vm̄ſchweiffen na­ch den herden deiner geſellen. O