Transkription / Biblia, dt. [54

buͦch Das gart bluͤet. Mein lieber iſt mir. vn̄ ich jm. der do wirt geweydet vnder den liligen. biß das der tag wirt erhaben. vnnd die ſchatten werdē geneygt. Mein lieber kere wider. vnnd biß gleych der rechgeyſſen vnd dem hyndenkalb der hirßen auff den bergen bethel. Capitel Das iii Wie der geſpons geſuͦchet. vnnd gefunden ward. vnd von dē beth ſalomonis vnd von ſeiner bewa rung. Ch ſuͦchte jn durch die nacht an meinē bedt dē do hett lieb mein ſele. Ich ſuͦchet jn. vn̄ fande ſein nit. Ich ſteeauff. vnd vm̄gee diſe ſtat durch die gaſſen. vnnd durch die ſtraſſen. vn̄ will ſuͦchē den. do liebhat mein ſele Ich ſuͦch et jn. vnd fande jn nit. die wachter. die do behuͤten die ſtat. fundē mich. Habt jr den nit geſehē. dē do liebhat mein ſel Do ich ſÿ ein wenig was fürgangen. ich fand den do liebhet mein ſele. Ich hiel te jn. vnd laß jn nit biß ich jn ein fuͤr in das hauß meiner muͦtter. vnd in die kamer meiner gebere rin. O jr toͤchter von jheruſalē. ich beſchwere eüch bey den rechgeyſſen. vnnd bey den hirßen der veld. das jr nit wecket noch machent wachen die lieben. biß das ſÿ ſelb wille. Waͤr iſt die die do auffſteyget durch die wuͤſte als die thur des rauchs auß den aro mathen der mirren vnd des wey rauchs vnd alles geſtüppes des confects. Sehet das bethlein ſalomonis das vmbgeen ſechczig ſtarck auß den ſterckiſten iſrahel all haltent die ſchwert. vn̄ die ge lertiſten zuͦ den ſtreyttē. Dz waf fen eines yegklichen über ſeine hüfft. vmb die naͤchtlichē vorcht Der künig ſalomon machet jm ein bethlein von den hoͤlczern des libans. Er machet ſein ſeülen ſil brin. vnd ſein rubeth guldin. ſeynen auffgang purpuren. vnd ebnet es durch mittel der liebe vm̄ die toͤchter jheruſalem. Ir toͤchter ſÿon geet auß vnnd ſehet den künig ſalomon in der kron. mitt der jn hat ſein muͦter gekroͤnt an dem tag ſeiner vermechlung. vn̄ an dem tag der freüd ſeines hergeen. iiii Capitel Das Von lob vnnd breyß der geſponſen. durch yede glider jres leybs Vnnd wie die geſpons genant wirt. der beſchloſſen gart. Ein freündin wie ſchoͤ ne biſtu wie ſchoͤn biſt Deine augen ſind als Ider tauben. on das. daz do iſt jnwendig verborgen. Dey ne loͤck ſeind auch als die herde der rechgeyſſen. die do auffſteygen von dem berge galaad. Vnd dein zaͤn ſeind als der geſchornē herde. die do auffſtygen von der waſchunge. Alle zwifeltiger geburdt. vnnd keyn vnberhafftigs iſt vnder jn Dein lebſen ſind als ein rote bind. vn̄ dein auſſprechē