Seite
buͦch der Das weÿſſen. vn̄ er hat lieb die geleÿ­chnuß des todten bÿldes on ſele. Die lieb haber d̓ übeln ding ſind wirdig des todes. die do haben zuͦ uerſicht in ſollichē. vn̄ die ſÿ ma­chen. vn̄ liebhaben. vn̄ die ſÿ erē. Wan̄ auch d̓ haffner druckt zuͦſa men die weÿchen erde. vnd mitt arbeÿt machet er ein ÿegklich faß zuͦ vnſerm nucz. vn̄ vō dem ſelbē kott machett er faß die do ſeind reÿn zuͦ dem nucz. vn̄ zuͦ geleych­erweyß die do ſind widerwaͤrtig diſen faſſen. vnnd d̓ haffner iſt ein vrteÿler woͤlches ſeÿ die nuczūg d̓ faßs. Vnnd mit maniger arbeÿt bÿidet er einen got vō dem ſelben kott. d̓ vor ein klein zeÿt was ge machet vō d̓ erdē. vn̄ darnach eī kleine zeyt widerfuͤret er ſich vō dannen er iſt genōmen. er wider­eÿſchet die ſchulde d̓ ſele die er he te. Wan̄ jm iſt ſorg. nit dz er hatt gearbeyt. noch das jm das leben iſt kurcz. aber er ſtreÿt dem gold ſchmidē. vn̄ dē ſilberſchmiden. vn̄ nachfolget auch den eerin od̓ ge logkſpeyßen ſchmidē. vn̄ fürbrin get die glorj. das er machet oder bÿldet eÿtle ding. Wan̄ ſem her­cze iſt ein aͤſch. vn̄ ſein zuͦuerſicht iſt ein eÿtel erde. vn̄ ſein leben iſt ſchnoͤder den̄ das kott. wann er waÿß nit den. d̓ jn hat gemachet. vn̄ d̓ jm eīgoß die ſele die do wür cket. vn̄ d̓ jm einblaͤßt den leblich en geÿſt. aber ſÿ meÿneten dz vn̄ ſer leben waͤre ein ſpÿl. vnd dem wandel des lebens geſeczt zuͦ dem gewÿn̄. vn̄ das wir das muͤßten vō wan̄en es waͤr. Auch auß dē boͤßen gewÿnnē. Wan̄ der waÿß das er ſündet über all. d̓ außs der materj d̓ erdē machet die brechen lichen faß vn̄ die gegoſſen. Wan̄ all vnweiß vnd vnſaͤlig ſind hoß fertig über die maß d̓ ſele. vn̄ feÿ de deines volcks. vn̄ gebieten jn. wan̄ ſÿ ſchaͤczten das all abgoͤt­ter d̓ geburdē goͤtter waͤren. den nit iſt die geſicht der augen zuͦſe­hen. noch naßloͤcher zuͦ empfahē den geÿſt. noch oren zuͦ hoͤrē. noch die ſinger d̓ hende zuͦ ruͤren. auch jr fuͤß ſind traͤg zuͦgeen. Wan̄ der menſch hat ſÿ gemachet. vn̄ der do hat den entlehenten geÿſt. der hat ſÿ gebildet. Wan̄ kein mēſch ma ge jm machen ein geleÿchen got. Wan̄ ſo er toͤdtlich iſt. ſo macht er den todtē mit boßhaͤfftigen he­den. wan̄ er ſelb iſt beſſer denn die ding die er eret. Wan̄ er lebt wie wol er toͤdtlich iſt. aber diſe leben nȳmer. ſunder auch ſÿ erend die dürſtigiſten thyere. wan̄ die vn̄ empfindtlichen den zuͦgeleÿchett ſind erger. dan̄ diſe. Aber keÿner mag geſchawen mit dem geſichtt die guͦtten ding auß diſen thÿeren wann ſÿ fluhen das lob gotes vn̄ ſeinen ſegen. xvi Capitel Das Wie das volck iſrahel in der wuͤ ſteneÿ mit hȳmelbrot geſpeÿßet warde. Vnd wie das allerleÿ ſuͤ­ſigkeit in jm het. alſo das es dur ch gottes wunderberliche ſchickū ge einem yeden ſchmecket wie er begeret. Vnnd wie die Egiptier mit einem groſſen hagel geblagt wurden.