Transkription / Biblia, dt. [237

Des propheten cxx als in dē weyngartē. Beker dein. hauß als der weynleſer zuͦ de kybel. Wen red ich vnd wen bezeüge ich daz er hoͤr. ſiehe jr orē ſind vnbeſchnitē. vnd ſÿ muͦgen nicht hoͤren. Sehet das wort des herren iſt jn gemacht zuͦ eim laſter. vn̄ ſÿ werdē es nit auffnemē. dar umb ich bin vol des grymmigen zoren des herren. ich hab gearbey tet enthaltent. Geuß auß über dē kleinen grymungen zoren. vnnd über den rat der jungen miteinan der. Wann der man wirt gefangen mitt dem weyb vnnd der alt mit der erfüllung der tag. Vnnd jr heüſer übergeen zuͦ den andern die aͤcker vnd die weyber mitein ander. wann ich ſterck mein hande über die. die do jnwonend die erd ſpricht der herr. Von dē minſten biß an den meyſten all fleyſſen ſÿ ſich der geytigkeyt. von dē weyſſage biß zuͦ dem prieſter all thuͦnd ſÿ den valſch. Vnd machten heyl die traurigkeyt der toch ter meines volcks mit laſter. ſagendt. frid. frid. vnnd was keyn frid. Sy find geſchendet. wan̄ ſÿ thetten die vnmenſchlichen ding Wann mer ſind ſÿ mit ſcham nit geſchendet. vnnd wißten nit ſich zeſchemen. Vmb diſe ſach fallen ſÿ vndter die vallenden in d̓ zeyt jrer heymſuͦchung vallen ſÿ ſpri cht der herre. Diſe ding ſprichet der herr. Steeauff die weg. vnd ſehet vnnd fraget von den alten ſteygen. woͤlches ſey der guͦt wege. vnnd geet in jm. vnnd jr vin det die ruͦe eüern ſelen. Vnnd ſÿ ſprachen. Wir geen nit. vnnd ich hab geſeczt einen ſpeher über eüc Vnd ſprach hoͤrt die ſtim̄ des horens. Vnd ſÿſprachē. Wir hoͤren ſÿ nit. Darub hoͤrent jr heyden vnd du geburt erkenne. wie manig dag ich jn hab getan. du erd hoͤr. Siehe. ich zuͦſuͤr die ablen ding über dyſes volcke. Die frücht ſeiner gedancken. wan̄ ſÿ hoͤrten nit mein wort vnnd verwurffen mein ee. Warumb brin get jr mir den weyrach von ſaba vnnd die wolſchmeckent ſpeczer ey des geſchmackes von dē verren land Eüre gantze opfer ſind nicht angenem vnnd eüer opfer geuielen mir nicht. Darumb diſe ding ſpricht der herre got. Sie he. ich gib die vell in diß volcke. Vnnd es vallen in jn die vaͤtter vnnd ſün miteinander. der nachbaur vnd der naͤchſt. vnd ſÿ verderben. Diſe ding ſpricht der her re. Siehe ein volcke kumbt von dem landt mitternacht vnnd ein groß volck ſteet auff. von den en den der erd. vnnd wirt nemen dz geſchoß vnnd den ſchilte. Es iſt frayßlich vnd erbarmbd ſich nit Sein ſtym̄e doͤnt als das moͤre. vnd ſÿ ſteygen auff die roß. o tochter ſÿon ſÿ ſind bereytet wider dich als der man zuͦ dem ſtreytt. Wir hoͤrten ſein lautter. vnſer hend find erlaſſent. die truͤbſale begriff vns. vnd die ſchmerczen. als die geberenden. nichtt woͤllet außgeen zuͦ den aͤckern. vnnd nit geet an dē weg. wan̄ daz waffen des veindes iſt auch ein vorchte in dem vmbgang. O tochter mei nes volcks begurt auch dich mit