Seite
Baruch Die weytzſagung hoͤrt in dem lande chanaan. noch iſt geſehen in themon. Vnnd die ſüne agar. die do erſuͦchetend die weyßheÿt. die do iſt von der erdē die kauffleüt des landes vnd the man. vnd die bawer. vnd die er­forſcher der weÿßheyt. vn̄ der ver nunfft. aber ſÿ weßten nit den we ge der weÿßheÿt. noch gedachten jrer ſteÿg. O iſrahel. wie groß iſt das hauß gotes. vnd gar groß iſt die ſtat ſeiner beſiczung. Groß. vn̄ hat nit ende. hoch vnd vngemeß­ſen. Do waren genan̄t die rÿßen. die do waren vom̄ anfang wÿſ­ſend den ſtreÿt. wiſſend den ſtreyt Der herre erwoͤlet ſÿ nit. vnd ſÿ funden nit den wege der lere. dar umb verdarben ſÿ. Vnd darumb das ſÿ nit heten die weÿßheÿtt. ſÿ verdurben vm̄ jr vnweÿßheit Weer ſteÿget auff in den hȳmel vnd name ſÿ. vnd fuͤret ſÿ außs von den wolcken. Wer fuͤret über das meer. vnd fande ſÿ. vn̄ name ſÿ über das erwoͤlet gold. Er iſt nit. der do müge wiſſen jre wege. noch der do erſuͦche jr ſteÿg. Aber der do waÿßt alle ding. d̓ erkan̄t ſÿ. vnd fand ſÿ mit ſeiner fürſich tigkeit. Der do fürbereÿtet die er de in der ewigen zeÿt. vnd erfüllt ſÿ mit vÿhe vnd mit den vierfuͤſ­ſigen thÿeren. Der do außließ das liecht. vnd es gieng. vn̄ vorderet es. vnd es gehorſamet jm in for­cht. Wan̄ die ſteren gaben das lie cht in jren huͦtten. vnd wurdē er­freüwet. Sÿ waren geforderet. vnd ſprachen. Wir ſind do. Vnd leüchten mitt freüden. dem. der ſÿ hat gemachet. Der iſt vnſer got. ein ander wirt nit geachtet wider jn. Der fande einen ÿegklichē we ge der lere. vnd antwurt ſÿ jacob ſeinem kÿnde. vnd iſrahel ſeinem lieben. Nach diſen dingen iſt er ge ſehen auff der erden. vnnd hat ge­wandelt mit den menſchen. Das vierd Capitel Wie Baruch ſaget. das in dem ge ſecz der gebot gotes die weÿßheit gelegen ſeÿ. Iſes iſt das buͦch d̓ ge­bot gottes. vnd die ee. die do iſt ewig. All die ſÿ halten. die kōmen zuͦ dem leben. Aber die ſÿ laſſen. zuͦ dē tode. Bekere dich jacob vnnd be­greÿffe ſÿ. gee durch den weg ge­gen jrem liechtt zuͦ jrem ſcheÿne. Nicht gibe dein glorj einem ande ren. vnd dem wirdigkeit dem frē den volck. Iſrahel wir ſind ſaͤlig wan̄ vns find offenbar die ding. die got gefallen. Du volck gotes biß geleyches gemuͤtes. biß geden ckend iſrahel. Ir ſeÿt verkauffet den leüten. nit in die verlierung ſunder. das jr in dem zorn habt be weget den herren zuͦ dem zorn. dar umb ſeyt jr geantwurt den wider waͤrtigen. Wan̄ jr habt jn erbitte ret dem ewigen got. der eüch hat gemachet. opfferend den teüfeln. vnd nit got. Wan̄ jr habt vergeſ ſen des. der eüch hat erzogen. vnd jr hab betruͤbet jheruſalem eüwer erzieherm. Wan̄ ſÿ ſahe eüch den zoren kōmen vō got. vnd ſprach Hoͤret jr ſtett ſÿon. wan̄ got hat