Transkription / Biblia, dt. [451

Des Propheten ccxxvii ſſrahel. in dem tal jeſrahel. Vnd ſÿ empfieng noch. vnd gebarauch ein tochter. Vnnd er ſprach zuͦ jm. Heyße jren namen on barmherczigkeyt. Wenn ich zuͦleg nit fürbas zuͦerbarmen. dem hauß jſrahel. Aber ich vergiſſe jr mitt vergeſſung. Vnnd erbarm mich dem hauß juda. vnd will auch ſÿ behalten in jrē herren gott. vnnd ich wird ſÿ nicht behalten in dem bogen vnnd auch in dem waffen vnnd in dem ſtreytt vnd auch in den roͤſſern vnnd in den reyttern Vnd ſÿ ſeüget die ab die do waz on barmhertzigkeyt. Vnd ſÿ em pfieng vnnd gebar auch einen ſu ne. Vnnd er ſprache auch zuͦ jm. Heyß ſeinen namen nichtt mein volcke. Wann jr ſeyt nicht mein volck. Vnnd ich bin nit eüer got Vnd die zal der ſün iſrahel wirt als der ſand des moͤrs. der da iſt on maß. vnnd wirdt nicht gezelet. Vnd es wirdt an der ſtat da jn wirdt geſaget. jr nit mein vol cke. jn wirt geſaget. ſün gotz des lebendigen. Vn̄ die ſün juda. die ſün iſrahel werden geſamelt czuͦ einander. vnnd ſÿe ſetzen jn ſelb ein haubt. vnnd werden aufſtey gen von dem land. wann der tag jeſrahel iſt groß. Das ander Capitel Von der gefaͤncknuß der zweyer geſchlaͤcht. Ein volck ſprechet czuͦ eüern bruͤdern vnnd ſa get eüer ſchweſter die da begriffen die barmherczigkeyt. Vrteylet auch eüer muͦter vrteylet. wann ſÿ iſt nicht mein weyb. vnd ich bin auch nit jr man. Sy naͤme ab jr gemeyn vnkeüſchunge von jrem antlütz vnnd jr eebrechung von der mit jrer brüſte. das ich ſÿe villeycht nicht nacket außziehe. vnnd ſtel le ſÿ nach dem tag jrer geburdt. vnnd ſetze ſÿ als die einoͤde vnd ſtelle ſÿ als die vnwegſamen er de. vnnd ich toͤdt ſÿ mit dem dur ſte. Vnnd ich erbarme mich nitt über jr ſün. wann ſÿ ſind ſün der vnkeüſche wan̄ jr muͦter hat auch gemeyn vnkeüſchet. Die ſÿe empfienge iſt geſchendet. wenn ſÿ ſprach. Ich will auch geen na ch meinen liebhabern. die mir ge ben mein brot. vnd mein waſſer. mein woll vn̄ mein flachs mein oͤl. vnd mein tranck. Vmb diß ſihe. ich vmbzeün deinen weg mit dornen. vnnd zeüne jn mitt einer mauer on moͤrter. Vnd ſÿ wirdt nitt finden ſein ſteyg. vnnd witt nachuolgen jren liebhabern. vnd begreyfft ſÿ nit. vnd ſÿ wirdt ſÿ ſuͦchen vnnd findet ſÿ nicht. vnnd wirdt ſprechen. Ich gee. vnd kere wider zuͦ meim erſten mann. wen̄ mir wz wol mer wen̄ nun. Vn̄ die ding weſt ſÿ nit wān ich gab jr dz getreyde den wein vnd das oͤl. vnd ich manigfaltiget jr das ſilber vnnd das golde die ſÿ machten baal. darūb ich kerwid̓ vn̄ nym̄ mein treyd in ſeiner zeit vnd meinen wein in ſeiner zeyt. vnnd ich erloͤß mein woll vnnd meinen flachs. die da auch bedeckten jr ſchame. Vnnd nun wil ich eroͤffnen jr torheyt in den augen ii. v.