Seite
Die weyſſagung Ozee der liebhaber. Vnd der man wirt ÿ nit erloͤſen von meiner hende. vnd ich will machen das aufhoͤ­rē all jr freude vn̄ jr hochzeit Vn̄ ich brich jren weingarte vnd jrē feygen baum. von de die ſprache. Diß ſind die loͤne. die mir gaben mein liebhaber Vnd ich ſetz ſÿ in den wald. das dz tier des ackers eſſe ſÿ. Vnnd ich heymſuͦch über ſÿ die tage baalim. in dem ſÿ an­zündten den weyrauch. vnd war de gezieret mit jrem orring. vnd mit jrem heftlem. vnd gieng na­ch jren liebhabern. vnnd vergaß mein. ſpricht der herr. Darūb ſie he. ich will ſÿ ſeugen. vnd zuͦfuͤr ſÿ in die eynoͤde. Vnd ich wirde reden zuͦ jren hertzē. vnd ich wil jr geben die weyngaͤrtner auß d̓ ſelben ſtat. vnd daz talachor auf zethuͦn die zuͦuerſichte. Vnnd da wirt ſÿ ſingen. ſingen nach dē ta­gen jrer jugent. vnd nach den ta­gen jrer aufſteygung von dē lan de egipti. Vnd es wirt an dem ta ge ſpricht der herr. mein man ruͤ­fet mir. vn̄ wirt mich fürbas nit heyſſen baalim. Vnd ich wird ab nemen baalm von jrē mund vn̄ er gedencket fürbas nitt jres na­men Vnd ich ſchlahe fürbas mit jm das gelübd an dem tage mitt dē thier des ackers. vnd mit dem geuoͤgel des hȳmels. vnd mit dē kriechenden tieren der erde. Vnd ich zerkniſch von der erde den bo­gen vnnd das waffen. vnnd den ſtreyt. vnd ich mach ſÿ ſchlaffen zuͦuerſichtigklich. Vnnd ich will dich mir vermeheln ewigklich. vnd ich gemehel dich mir in der gerechtigkeyt vnd in dem vrten vnd in der erbaͤrmbde vnd in den barmherczigkeyten. Vnd ich ge­mehel dich mir in dem gelauben vnd du wirſt wiſſen das ich bin der herre. Vnd es wirdt an dem tage. ich erhoͤr. ſpricht der herre Ich erhoͤr die hymmel. vnnd ſÿ erhoͤren die erde. vnd die erde er hoͤrt den waytzen vnd den weyn vnd das oͤl. vnnd diſe werden er hoͤren jeſrahel. Vnnd ich ſee ſÿe mir in ein erde. vnnd ich erbarm mich der. die da was on erbaͤrm de. Vnnd ich wird ſagen nit mei nem volck du biſt mein volck vn̄ es wirdt ſprechen du biſt meyn got. iii Capitel Das Von der vndanckberkeyt der ju­den. vnd von jrer verſtockung in den ſünden. Nd der herr ſprach czuͦ mir. Gee noch vn̄ habe lieb dz weyb dz da lie­Abe iſt dē freund. vn̄ die eebrecherin. als der herre liebhat die ſün iſrahel. vnd ſÿe ſchawen zuͦ den frembden goͤttern. vnd ha ben lieb die troͤſter der weynber Vnd ich gruͦb ſÿ mir mit fünfze­hen ſilberm. vnd mit eim chorder gerſten. vnd ich ſprach zuͦ jr. Du wirſt meyn harren vil tage. Du wirſt nicht vnkeüſchen. vnd du wirſt dem man nicht. aber auch ich wille dem harren. Wann dye ſün iſrahel werden ſitzen manig tag on einen künig. vnnd on eyne fürſten. vnd on das opfer. vn̄ on einen altar. vnd on dz ephot. vn̄